■「香港癲佬力量」力數狗達兩公婆5年去11次旅行。fb圖片「熱狗」過氣頭目黃洋達（狗達）鍾意同老婆陳秀慧（皇后）「旅行救港」就係人都知，但點會估到有人咁有心，將佢哋5年嚟去過邊度整圖公諸天下吖？一個聲稱反「熱青城」（「熱狗」同「青山城邦派」）嘅facebook專頁，日前就圖文並茂，力數呢個「達哥」同另一個「達哥」一樣，都係去旅行去到盡，短短5年間就去咗11次旅行，喺三大洲留低腳毛，仲寸一眾乖乖課金嘅「熱狗」，話佢哋啲血汗錢就係用嚟津貼狗達兩公婆豪玩豪食。兩公婆𠵱家仲喺大阪，皇后之後窒返個專頁轉頭，話係咪嫌佢一年只係去兩次旅行「寒酸咗少少」，離地言論搞到俾人話佢睇唔起一年可能連一次外遊都無嘅基層市民。■香港文匯報記者 陳庭佳
呢個fb專頁叫「香港癲佬力量」，入面勁多明嘲暗寸「熱狗」同「城邦派國師」傻根（陳云根）嘅帖文，而佢哋個大頭相設計，更加同一直話要狙擊「熱普城」、何志光嘅「本土力量」非常相似，唔知真係有關係定借刀嘞。
「Siu Tess」問佢哋係咪之前搞「熱普城」嘅「本民前」或者《輔仁媒體》總編容樂其（容癌）啲「暗樁」，專頁管理員話佢哋無搞過「普羅政治學苑」，就係唔滿意「熱青城」終日搞風搞雨，不斷分化同醜化「本土派」，佢哋只係支持「泛本土」，冇話「暗樁」呢啲陰謀論。
「癲佬」日前就整咗張圖，圖文並茂咁力數狗達兩公婆5年間去咗11次旅行，近至台北、墾丁、東京、大阪、首爾，遠至英國、葡萄牙甚至加拿大都留低過腳毛，其中台北仲去咗三次，大阪仲去咗兩次𠻹。「癲佬」仲「讚」佢兩公婆實踐「旅遊抗共」，叫一眾「熱狗」繼續課金，更「溫馨提示」話三成課金會畀《熱血時報》做「行政費用」。
網民亦都唔客氣，其中「Munting Po」直斥佢兩公婆係大種乞衣，「Ng Kiki」就寸課金「熱狗」，大嘆「世上死蠢何其多」，「WN Wong」更加話啲金主「正傻×」，「自己食屎供佢哋去食龍蝦。」
「癲佬」亦都摷過皇后個Instagram戶口，話皇后豪買卡地亞戒指，其中一隻值萬二蚊港紙，另一隻更加去到二萬五千蚊。不過疑似係「熱狗」嘅「Becky Mok」就反駁，話對戒指係皇后觀禮時影嘅，「一張相就引到啲白癡畀like，唔用腦嘅死×咗夆捸I」
皇后之後喺fb反擊，話班「癲佬」點解淨係數佢5年嚟嘅出門記錄，「嫌我一年都只係兩次寒酸咗少少？數上去數多十年嘛，法國德國瑞士澳洲英國新加坡台灣泰國北京上海仲有好多trip都好正的。」狗達就睬佢哋都傻，係咁上載喺大阪食同玩嘅相，其中兩公婆去咗間出名食吉列嘢嘅曙U，狗達仲話「呢餐大×鑊」，食完之後返香港唔會食任何吉列嘢。
皇后稱一年兩次出門「寒酸」
皇后諗住「母儀天下」好優雅咁寸返班「癲佬」，點知開口夾着脷，將一年兩次出門形容係「寒酸」，就俾班「癲佬」斷正，起勢咁話佢侮辱一年可能連一次外遊都無嘅基層市民，同埋好多一年只得7日至14日年假嘅打工仔。
擺明借刀嘅fb專頁「九東黃洋達招待處」，就代入咗狗達嘅身份，話皇后唔滿意「癲佬」無講佢之前去法國、德國、瑞士、澳洲等地，以為人哋覺得佢好寒酸，「其實佢真係一條死蠢×，唔明人哋係想話我哋拎晒啲社運課金去旅行，唔係去搞社運支援『義士』。」