呢個「在囚抗爭者支援基金」，令反對派內訌互相指罵之餘，亦招來建制派網民嘅質疑同憂慮，認為可能係反對派洗「黑金」嘅新手段，亦有人擔心呢筆「安家費」會變相鼓勵年輕人去犯法，直言︰「班人咁做等如話年輕人暴力之後出事有補貼。」不過，亦有網民直言反對派成日講完就走數，留言話「講就每人一萬（元），但是否篤數就要遲些問下其他人才知真假」。
反對派郁下就眾籌要社會支持自己嘅計劃同行動，但往往最後都賬目不明，雖然今次個「基金」一如既往話有核數師核數，但亦有人擔心當中嘅錢銀會有問題。「Ernest Wong」就話︰「都係搵個理由洗（使）黑金姐（啫），你估真係咁多人捐咩，下下二三百萬，一年最小（少）十幾二十單呢啲捐款，佢班支持者真有米！」「Tashi Ngawang」就話︰「早就話架（㗎）喇，冇番（返）咁上下安家費會坐得咁爽及令父母驕傲咩？大家所知嘅只係抬（枱）面嗰少少，抬（枱）下嗰舊先至肥！」
「學生收一萬，三妖收十萬？」
「Chi So Yuen」亦揶揄坐監有月薪話︰「現在連坐牢也是工作，利（厲）害。」「Maggie Tam」就譏諷︰「無錢點駛（使）得鬼推磨吖？」「Meli Bell」就開始計數︰「學生都收一萬，三妖到時起（豈）不是要收十萬安家費？！」
亦有人批評咁樣變相鼓勵年輕人犯法坐監。「Wai Cheung HO」就話︰「班人咁做等如話年青（輕）人暴力之後出事有補貼。」「Chung Keung Au」亦謂︰「班廢青知道坐監個個月有一皮嘢個個都勇武上身，呢鑊發達咯。」「Yeung Judy」亦話︰「咁都得？咁坐耐啲都唔怕喇，最難得有班懵炳肯捐錢俾（畀）人坐監！」
「Ben Wong」就認為要放長雙眼睇下佢哋會唔會走數︰「講就每人一萬（元），但是否督（篤）數就要遲些問下其他人才知真假。」 ■香港文匯報記者 甘瑜
