■吳若希終於同Alex正式簽字結婚。香港文匯報訊 恭喜！恭喜！吳若希（Jinny）於昨日10月10日同男友Alex正式簽字結婚，Jinny之後於ig晒相，留言話：「10月10日，好日，簽個字，請叫我何師奶∼今日我倆一切從簡在唱片公司，在律師同老闆Herman及一些好友見証（證）下，與Alex正式結婚∼希望大家可以祝福我倆，像結婚誓詞一樣愛護及包容大家，令這段婚姻得到真正的美滿。」恭喜晒！
Jinny接受訪問笑言沒有咩感動，雙方在歡樂之中簽字，沒有蝦碌嘢，係嫌張嘢寫得唔夠詳細，沒講啲錢邊個管。今次Jinny選擇咗喺唱片公司度簽，係因為人生大事都喺呢度做！她們還找了老闆何哲圖做見證人，何哲圖表示有嫁女的感覺。
問到點解揀10月10日，Jinny話：「冇特別meaning，搵人擇咗日，同埋覺得10月10日好十全十美！」再問佢Alex有冇求婚？Jinny話：「冇，冇都冇所謂，但有就更加好囉！(點解唔帶埋個女來？)有諗過，但今次留在香港時間長，但唔想囡囡辛苦，所以沒帶到來。」講到會唔會擺酒，Jinny就話怕麻煩所以唔會大搞，佢話：「屋企人都好開通，會於外地行禮。」