■駱胤鳴同張彥博去電台為合作新歌 《有種愛情》做宣傳。香港文匯報訊（記者 植植）駱胤鳴同張彥博昨日去到新城為合作新歌 《有種愛情》做宣傳，駱胤鳴表示歌名有兩個意思，其中一個就係好有勇氣去追求愛情，佢話自己都係一個好勇於追求愛情的人：「不過我每次做主動追男仔，都沒有好結果，好彩現在呢個係佢追我。」
張彥博就表示大家第一次合作，成首歌都係駱胤鳴寫俾佢男朋友，自己要好努力咁代入角色，睇到歌詞都畀他們閃親。笑問駱胤鳴為何不找男朋友合唱？駱胤鳴話：「唔好，佢怕醜呀，不過彥博同我男朋友一樣，都係屬於好Charming的暖男 。」
兩人今次的新歌MV已經拍完，仲有床戲，駱胤鳴表示大家着住睡衣，瞓喺張床上面擺Pose，可能因為太攰太多嘢做，我們兩個都分別影吓相的時候瞓着了。