■房間天花配上一盞樹木狀的吊燈，床頭梳妝枱亦全部用上木材，與大廳的自然風統一風格。進入主人房，因為房間面積不算大，睡床後的牆身用了條子橫紋的效果，令空間感擴大。房間天花配上一盞樹木狀的吊燈，床頭梳妝枱亦全部用上木材，與大廳的自然風統一風格。值得一提的是，進入房間的一面牆身上，特別掛上了一幅以石頭為主題的圖畫，顏色與牆身相互配襯，令原本單調的牆身變得不再沉悶。
設計元素忌大雜燴
「𠵱家好多人設計時會加好多東西，好似會想幅牆變成各式各樣，又要最潮的3D磚，又要射晒燈變出陰影等，最好係有埋啲紋理的材料；其實有時太多元素聚埋一齊，愈多反而容易愈睇愈厭，睇多兩眼就悶，你簡簡單單咁，只得小小重點帶出嚟，簡潔啲反而耐看好多。」
設計師Alick指，基於簡約的設計原則，主人房有一個大窗台，但未有任何擺設，日後亦最多鋪上軟墊方便戶主在上面休憩，因為不想令整體感覺太擁擠。「有啲人可能會用埋個窗台，做書枱呀或梳妝枱等，但我覺得做咗書枱，成張床的擺位就會好唔靚。」