■袁健恩（右）早前擺街站反「一地兩檢」有Cheap禎傍住。 fb圖片明年3月立法會九龍西補選，被DQ（取消議員資格）嘅「青症雙邪」Cheap禎（游蕙禎）早前話考慮搵替身出選，仲愈講愈似層層，日前更加有報道話「真命天子」就係「佔中牧師」袁天佑個仔袁健恩，貪佢係「素人」又唔係掛「青症」牌頭，應該過到確認書呢關。當事人袁健恩先頭話考慮去馬，之後就話仲諗緊自己適唔適合，但係Cheap禎就覺得佢唔係無勝算，仲叫主流反對派唔好再搞乜嘢初選，言下之意即係想人讓路啫。公然同主流反對派爭飯食，難怪袁健恩呢隻出頭鳥係咁俾「黃絲」話佢無料到、靠父蔭等等，黐埋Cheap禎度實無運行！ ■香港文匯報記者 陳庭佳
袁健恩呢個名唔係個個識，不過佢老竇就係香港基督教協進會前主席、「佔領」期間曾經開放過教堂畀人攤唞嘅袁天佑，佢媽子就係人稱「袁師母」嘅陳錦美，喺社運界都有啲牙力，難怪傳媒介紹佢嗰陣，都撻咗岈钂阰茼極𣳉C
睇返佢個facebook，可以見到唔少佢同Cheap禎、仲有已經退出咗「青症」嘅鄺葆賢嘅合照，而早前佢擺街站反「一地兩檢」時，亦都獲Cheap禎同前「學民思潮」發言人黃子悅撐場，加上佢用上應該係28年前影落、戴住「愛國無罪」頭帶嘅相做大頭相，唔通佢想「本土」、「自決」同主流反對派幾家通殺？
當事人自稱「唔恨做議員」
日前有網媒報道話，袁健恩就係Cheap禎嘅「Plan B」，而佢喺報道入面亦都承認會考慮去馬，不過報道出街之後，佢就喺fb出post（帖文）話「Plan B你個頭」，又話自己唔係「青症」成員、無正式做過「中箭」（「香港眾志」）義工，仲係「社民連之友」喎，睇嚟妘ㄚY唔想同Cheap禎行得咁埋。
佢接受主流反對派喉舌「D100」訪問嗰陣，更加話自己仲諗緊係咪適合參選，「唔恨有議員做」，無正式同「青症」溝通過，如果出選就因為潛在參選人相差太遠，代表唔到入返議會，「無理由覺得馮檢基可以代表到游蕙禎嘅選民」，要去「補位」咁話。不過，呢頭話自己要代表Cheap禎嘅聲音，嗰頭佢就自言喺「本土」同「泛民」之間「中間少少嘅位置」，難道佢先係「中間超人」？
Cheap禎就當然為佢嘅替身背書，對於袁健恩知名度欠奉，佢就話知名度唔係天生嘅，要睇實質表現，又唔認同今次補選要有初選，咁做等於認同DQ嘅合法性喎，睇嚟都係驚袁健恩撼唔贏幾個出名過佢嘅人，好似係同樣被DQ嘅小麗老千（劉小麗）、民協「facebook管理員」馮檢基等等。
「黃絲」諷袁：得閒讀多啲書
不過，「黃絲」就覺得袁健恩未夠班，好似「Sam Lung」就聽過佢喺「D100」嘅訪問，質疑佢邏輯混亂、思考不周，「不要再利用父母之名氣爭出位了，得閒讀多啲書。」「Leo Cheng」就暗示佢係「鬼」，「佢唔贊成為大局初選，佢唔會讓路，要讓你哋（主流反對派）讓畀佢。佢可能將會令『泛民』在議會中失去一席嘅罪人。」「Real Chan」更加帶出重點，話Cheap禎同的士梁（梁頌恆）已經係票房毒藥，「基本上同梁游個名扯上關係，相信都唔會有人投。」
支持「青症」嘅網民就反駁話主流反對派霸道，「Ian Lui」不滿佢哋當正自己好似上帝咁係「道路、真理、生命」，當其他人係異端，「乙鴻」就提到小麗老千已經話咗如果「青症」選佢唔會去馬，「你啲友仲戇××咁。」