下年3月就係立法會補選，剩返落嚟嘅時間話長唔長、話短唔短，各路人馬都加緊打口水戰拋浪頭。其中喺最熱鬧嘅九龍西，先有被DQ（取消議員資格）嘅「青症雙邪」Cheap禎（游蕙禎）唔嫁又嫁，話佢哋陣營可能會派人出嚟，之後同樣被DQ但上訴緊嘅小麗老千（劉小麗），話如果「青症」有人選佢就傾向唔選喎，係咪玩緊以退為進就不得而知嘞。最新就有白鴿黨（民主黨）嘅深水埗區議員美容袁（袁海文），聲稱唔會讓路畀「青症」，又翻2015年區選舊賬，話反對派嘅「協調機制」唔應該摻「青症」玩喎。網民就各有睇法，有人覺得白鴿黨阻住「青症」翻生，又有人話「青症」係「鬼」，死都唔投畀佢哋。 ■香港文匯報記者 陳庭佳
協調反對派打選戰嘅「民主動力」，喺上月初有個「初步共識」，就係讓路畀「瀆誓四丑」羅三七（羅冠聰）、小麗老千、長毛（梁國雄）同埋姚松炎，但如果佢哋唔去馬或者去唔到馬就未有共識，各路人馬隨時以「初選」定生死。
至於「青症雙邪」的士梁（梁頌恆）同Cheap禎就更加係未有討論，當佢兩個透明。不過，Cheap禎喺本月初就話，「民主動力」已經接觸咗「青症」。
回帶批區選無協調累街坊
噚日有報章刊登有關美容袁嘅報道，佢話反對派嘅「協調機制」唔應該加入「青症」，而白鴿黨亦唔會讓路畀對方，原因係2015年區選嗰陣「青症」無參與協調，搞到反對派喺幾區都輸咗，「無可能對佢哋有着數，先話參加協調。」
不過，美容袁死都唔認白鴿黨「霸道」，仲話對方依然可以派人去選喎。
網民鬧假民主因議席失義
不過，今次九西補選正正係因為Cheap禎嘅議席出缺。「William Ngan」鬧民主黨虛有民主之名，為咗議席無視上年嘅選舉結果，「還說什麼選舉協調，協你老×臭×！」
「Yeung Sum Biu」就叫反對派一係唔當Cheap禎係同路人，否則全力支持佢就係「應有之義」、「政治道德」，「當初『泛民』護送『青症』再次宣誓，又為咗DQ事件走在一起參加遊行，果然是啱用走在一起，不啱用就不是同路人，又再次証（證）明『泛民』中人多重標準，絲毫沒有道德可言。」
另一邊，「Steve Chiu」就叫美容袁唔使同「青症」講咁多，一於去到盡，「俾（畀）咗吽]Cheap禎），佢唔知又會唔會 On99（戇××） Ref××king herself 㗎！」
「Julia Wong」就話「青症」絕對唔係同路人，而係「無間道」，叫反對派千祈唔好上當。「San Chan」就覺得??家「青症」好難有票，不如谷返小麗老千仲好。
唉，爭乜嘢吖，Cheap禎、小麗老千、美容袁齊齊去馬，溝埋民協「facebook管理員」馮檢基一齊嚟做「九西瀨尿牛丸」吖笨！