■容海恩近日喺大埔區舉辦萬聖節填色比賽。 網上截圖新民黨立法會議員容海恩EQ高到真係冇得頂。佢近日喺大埔區搞萬聖節填色比賽，幅圖上方有佢嗰樣，有人就將綠色填落佢個樣而唔係幅圖度。容海恩就喺自己fb上載咗嗰幅圖，仲喺文中話自己係「容精靈」，同標註「提早萬聖節」、「elf容」。
最近同容海恩好friend嘅「輔仁媒體」總編輯熔癌（容樂其）就留言道：「點解會咁......」容海恩就答道：「唔知，不過好鬼好笑。」「Liel Hanson」就搭嗲：「話說女版Hulk（變形俠醫）都係律師嚟。」
估唔到容海恩靈機一觸，上載一幅未填色的「疑似容海恩」圖畫，叫大家填色後上載喎。結果真係有人玩喎，唔少水準仲唔錯。
運輸署單車安全會議委員羅振奇在轉發該帖子時稱：「噚（前）晚Eunice Yung（容海恩洋名）話加印一千份（改咗嘅填色圖），我話唔環保，不如原圖放上網俾（畀）人自己印。點知容議員真係做......」他還標註了「呢個Like唔俾（畀）你唔得」、「真係識玩社交媒體」、「最終政治立場唔同但容議員值得被尊重」等。
與熔癌「成晚深度交流」
講開熔癌，佢原來早幾日同容海恩「坦誠深度交流咗成晚，真係好歡樂」，仲上載咗自己同對方嘅合照，話「我都好耐無講咁多嘢畀人聽喇，呢幾年真係......人生......」，仲要加多句「容議員真係好靚女......肯定係全部議員之中最靚女！」
容海恩接受傳媒查詢時就話，嗰晚其實係容樂其分享一啲個人經歷，包括之前曾經加入社民連，但佢本身唔知對方呢啲過去，「我係睇《文匯報》先至知㗎！」 ■香港文匯報記者 羅旦