■尹兆堅屈特首的帖子。 fb截圖特首林鄭月娥日前接受傳媒訪問，其後被大字標題指佢話「80萬公屋已足夠」，林鄭隨即再三澄清無意為公屋封頂、強調公屋數目相比《長遠房屋策略》只會有增無減，仲為事件引起社會大眾不必要嘅焦慮表示歉意。不過，民主黨立法會議員尹兆堅噚日仲繼續喺電台同facebook煽風點火，質疑林鄭致歉「不全面」，唔係真係想收回有關概念喎，真係唔知佢點知啦。有網民見到真係膠都費事派畀佢，直接出文寸佢︰「民主黨人居然懂得分別（辨）致歉全不全面！民主黨就釘書健事件全面致歉了沒有？民主黨就鄺神屈人賣狗肉事件全面致歉了沒有？民主黨就許智瘋（峯）座駕泊中環行人路事件全面致歉了沒有？」
林鄭前日再次主動澄清「80萬公屋」嘅講法，強調80萬個公屋單位只係指緊幾年後會有嘅公屋數量，只係一個現數，唔係目標，亦唔係極限，並指出只係傳媒將佢說咗好多分鐘、相對複雜嘅概念簡單化，甚至不幸數字化，而佢亦都就事件引起社會大眾不必要嘅焦慮表示歉意。
雖然已經講得清清楚楚，但反對派想老屈你，又點會理你講咗啲乜。尹兆堅噚日就分別喺電台同fb到煽風點火，話覺得林鄭嘅致歉「不全面」，質疑佢「只是就表達不清致歉，而不是收回有關概念」咁喎。講咗80萬唔係極限都仲話人哋係咁諗，點樣先可以令尹兆堅接受現實呢？
被批「專製造紛亂」
網民就連膠都費事派畀佢，佢篇文喺fb浪咗9個鐘，先得9個like，但更多網民就自己出文鬧爆佢。「Ricky Cho」就出文話︰「 要道歉既（嘅）首選你自己黨先啦！正×街！」「Roger Lui」亦話︰「你個假狗民主黨，做咁多衰嘢，道歉都要成年喇！」「Al Min Jan」直言︰「專製造紛亂，多餘。」 ■香港文匯報記者 甘瑜