建制派提出修改議事規則，堵塞拉布漏洞，因6人被DQ而在議會呈現弱勢的反對派，提出要與建制派坐低商討，更在一連3天辯論施政報告致謝動議的過程中表現合作，令動議最終通過，但他們都心知肚明這只是博公眾同情、拖延修改議事規則的伎倆。不過，在選舉中一直狙擊其他反對派的「人民力量」，就乘機抽水攞光環、踩其他反對派中人咁順攤畀致謝動議通過。
點名投贊成票者 無投票亦受質問
「人力」立法會議員陳志全（慢必）在立法會通過致謝動議後發帖，帖子上載了致謝動議的表決結果，質疑「24個『非建制』議員得15票反對」、「功能組別得四票反對」，「立此存照，自有公論。」（見圖）「人力」的「官方」fb專頁同樣上載了是次的表決結果，點名反對派的梁繼昌、葉建源及李國麟投了贊成票，更質問道：「其餘幾位沒有投票的『非建制』議員莫乃光、邵家臻、黃碧雲、譚文豪點解冇投票？」
「人力」前主席劉嘉鴻也發帖稱，「有冇人可以解釋吓梁繼昌、葉建源同李國麟支持施政報告致謝動議係咩玩法？......缺席投票special mention：莫乃光、邵家臻、林卓庭、黃碧雲、譚文豪。」副主席譚得志（快必）更在帖中稱要「嚴懲《專業議政三兇徒》！問問《莫邵碧豪》點解唔投票」。
「人粉」批莫乃光鴿黨「又傾又砌」
「人力」支持者「黃道堯」就附和道：「所以呢3個×街界別，根本就想功能組別千秋萬世，係為界別攞着數多過為整個香港出發。」「Andrew Wong」也點名道：「莫乃光黃碧雲，次次都係咁。黃碧雲成日都話去大學校（教）書，重要嘅時候投票就會唔見人。莫乃光民主黨賣香港，唔係今日第一日，又傾又砌呀嘛！」
「人力」明知其他反對派為了營造「和解」的形象博公眾同情，拖延修改議事規則，發帖狂鬧不過係搶光環。有其他反對派支持者就留言反駁。「梁平」道：「又喺啲無關痛癢嘅議案拗嬰滿C點解唔可以做到求大同，存少（小）異呢？快必你哋人民力量做好你自己嘢咪得囉。喺呢啲小問題上吵乜嘢啫。佢哋又唔係你人民力量嘅議員。下（吓）下（吓）小事都要人跟你哋嘅取態，真係當正你哋係『民主派共主』呀？」
「人力」不嬲都唯我獨尊，平時話反對派要團結，一旦選舉就專砌其他反對派撬票，你唔係今日先知係嘛？明年3月，立法會港島區同九龍西都會舉行補選，「人力」砌同路人目的係咩，相信都唔使畫公仔畫出腸啦啩？ ■香港文匯報記者 羅旦