少爺兵
TVB最近深夜重播劇集《壹號皇庭》，收視率相比電視台「黃金時段」播的新劇集更高，筆者和身邊不少朋友每晚都在追睇，好戲不厭百回看，也是這個道理。雖然男主角之一的歐陽震華不是筆者的偶像，但筆者和很多觀眾朋友一樣，好欣賞歐陽震華那份自然、生鬼、貼地的演技，所以歐陽震華主演的電視劇都吸引着大家，令劇集收視率有一定保證。
重播的劇集，收視連連報捷，反觀過去一兩年的劇集，收視只可用「一般」二字來形容，究竟是什麼原因？圈中人好肯定地說︰「劇本﹗誰都知道劇本就係靈魂所在，我不怕得罪𠵱家有啲編劇人員，佢哋嘅劇本已經走向流水作業的形態，外界興乜嘢故事題材，佢哋就抄一半作一半，完全無晒自己嘅靈魂，好劇本係『逼』出嚟㗎﹗大家明白、理解㗎，資源有限自然要睇餸食飯，又無競爭對手，唔使咁搏。老生常談就係有競爭才有進步，有市場才有投資動力和慾望，香港影視市場早已萎縮，電視台自然要調整策略，以維持盈利為大前提，實在是無可厚非，營商之道﹗觀眾可以有權評論電視節目受他（她）們歡迎與否？但同時亦要接受現實環境的存在。」
談論到電視劇集，投資免費電視台的投資者大部分都表示過，不會簽合約藝人，不會自製電視劇，因為世界各地，尤其是內地，高質素而受歡迎的電視劇集、綜藝節目、真人騷等等貨源充足，買下播映權在自己的平台播出，盈利更佳，不用自己勞民傷財。
以前香港影視圈就流行這樣的說話︰「想害什麼人，就叫佢投資拍電影、投資搞電視台啦﹗就算有十億、八億家產，都會破產﹗」一語 道 破 娛 樂 圈 生意 就是等於「燒 銀 紙」，富豪都要量力而為啊﹗