■苑瓊丹表示下年四月同張兆輝、鄭則仕合作新劇。香港文匯報訊（記者 植植）苑瓊丹（苑仔）昨日現身活髮科研廣告拍攝，她表示投資達8位數字購得產品專利，打趣地說現時經已破產：「內地拍戲的錢都擺晒落去，而咁多年喺無綫賺落的錢都畀返晒佢落廣告，正式宣佈現在窮到燶。朋友們不要找我打牌，如無意外只會有拖有欠。」
苑仔坦言自小頭髮較為稀薄，曾試過多款生髮產品也藥石無靈，但一年前開始試用這款活髮產品後便明顯見效：「投資產品就好似嫁老公咁，一定要搵個靠得住，自從試完呢隻產品後，我覺得終於搵到自己的 Mr.Right，就決定掟晒成副身家落去做。」
久未在香港熒幕露面的苑仔表示早前亞視及viuTV曾向她招手拍攝節目，但她決定將「清白之身」留給無綫：「因為早在亞視復活前已經同TVB簽了約，所以推晒其他台的工作，始終都係一個尊重。已經有三年沒拍無綫劇，下年四月就開工，同張兆輝、鄭則仕合作。」