香港文匯報訊 日前劉嘉玲及吳肇軒齊齊作客TVB娛樂新聞台節目《StarTalk》，接受主播許文軒(Edmond)專訪，大談首度合作拍攝新戲感受。劉嘉玲大讚拍檔吳肇軒是可造之材，她說：「佢與生俱來有一種憂鬱，需要人去保護，去照顧佢，好似年輕版梁朝偉。佢會準備好晒先去拍攝現埸，佢會同我、導演和攝影去傾，我覺得佢有做導演的天分，我諗返我做新人時，喺TVB那7年好傻，完全唔知發生咩事，只係密密做，不過就練到其他嘢返來。」肇軒說：「現在我個腦Function唔到，其實導演有同我講，叫我唔好阻住嘉玲姐的時間，所以我事前係有些緊張，唯有再加倍作好準備。」
專訪中提到青春有限，劉嘉玲說：「我一早已經知我唔係少奶奶命，但我好享受工作，梁朝偉都成日問我做乜咁好精力，佢係唔能夠同時做好多嘢的人，現在佢可能做一樣嘢都覺得好累，但我做緊一樣嘢的時候，個腦又會諗另外一樣嘢，但我都會有累的時候，會做運動去調節。」她又說：「以前會覺得自己大把青春，大把機會去做夢，但現在見到時間有限，所以仲有體力就乜都試，玩Snowboard同跳Skydive，Why Not？」