■周庭在宣傳街站的帖子標註「反對修改議事規則」。周庭fb截圖唔少有意參加補選嘅傳統反對派中人，都去集會博上鏡。但個個都博上鏡，唔通個個都上到鏡咩？有意出選港島嘅「中箭（香港眾志）」常委周庭同有意出選九龍西嘅姚松炎，呢幾日就四出擺街站，完全係你有你抗議，我有我拉票，為補選強勢宣傳。不過，為免被人口實，佢哋噚晚就一齊做咗個直播講議事規則，但個宣傳post第一個留言就質問，「咁樣而（??）家集會有咩用？」
咁係嘅，個集會得嗰幾十人，困喺嗰到圍爐，不如落區接觸吓市民啦。周庭呢幾日都好忙㗎，日日都擺街站，已經去咗銅鑼灣、太古城、田灣、西灣河同置富花園，間唔中喺fb出文講吓議事規則，又或者喺自己fb宣傳街站嘅帖度，加返個「反對修改議事規則」嘅hashtag（標註），咁咪精神上支持咗囉。
姚松炎就不時走去周庭個街站度撐場，話自己都喺九西擺過吓街站，不過佢有誠意啲嘅，起碼兩次同「自決派」朱凱廸一齊喺街頭講下議事規則，但講到尾都係強調話要「四席全贏」咁囉。■香港文匯報記者 甘瑜