■沈偉男出文提出質疑。沈偉男fb截圖反對派唔止補選食相難睇，連搞團結都企位尷尬。噚日凌晨先有被稱為「黎智英保鑣」嘅工黨郭紹傑同「獨派」劃清界線，下晝班傳統反對派又要扮冇嘢，又嚟扮團結、無中生有咁成立「反修改議規關注組」，再搞多個元旦大遊行想集結各家力量以壯聲勢。有網民直接笑佢哋之前「咁鍾意割席，咁鍾意話別人係鬼，咁鍾意×啲『本土派』」，??家真係猛咁吹雞都「冇乜人騷佢哋」。
「一地兩檢」炒唔起、修訂議事規則炒唔起，反對派都好叻㗎啦，原班人馬噚日又組成個「反修改議規關注組」扮新嘢，話就話有50個團體喺入面，但望落去都係嗰班人，離譜到連自己人都理解唔到。
又搞「關注組」圖壯聲勢
教育界立法會議員葉建源個助理沈偉男噚日就忍唔住喺fb出文質疑︰「其實我唔明，議事規則場仗都埋牙了，得番（返）數日時間，現在成立關注組的意義是......？」再加上「真心唔明」、「不斷成立民間團體的聯盟有何意義」的標註。
「Siegfried Lee」就留言恥笑道︰「不斷聯盟，但聯極都係個（嗰）班人。」喺「關注組」記招後面繑手做佈景板嘅工黨主席郭永健，都喺沈偉男篇文度留言自爆係「被通知參與」，大家就知件事有幾夾硬嚟。
仲有個元旦大遊行呢？「Michael Lam」就留言道出反對派嘅困境︰「其實今次『民主派』猛咁吹雞， 但係都冇乜人理佢， 就算今次修改立法會議事規則，係影響極之極之深遠，咁就可以證明，之前『民主派』咁鍾意割席，咁鍾意話別人係鬼，咁鍾意×啲『本土派』， 而（??）家真係冇乜人騷佢哋啦！」
「Michael Lam」話，雖然佢哋抵死，但都唔係冇得救嘅，「小弟有個愚見，希望班『泛民』大佬識得出來（公開道歉），講對唔住之前畀（俾）人割了席，畀（俾）人誤會咗做鬼的真正有心香港人。仲有呀，等啲人出咗嚟之後唔好又光速割席！咁件事都可能仲有得救嘅。」■香港文匯報記者 甘瑜