反對派阻撓立法會通過議事規則修訂無功，佢哋第一時間最關心啲咩？咪就係明年3月嘅立法會補選囉！佢哋又再聲稱呢日係咩「民主最黑暗一天」，所以要喺補選中將「戰友」送返立法會喎！唔少網民質疑佢哋明知民意其實唔支持拉布，但佢哋就無計可施，只好借此機會為幫自己友補選造勢，營造「被迫害」氣氛，試圖夯實支持者。
有「獨派」中人批評道：「個×個都淨係掛住補選，咁嘅質素，俾（畀）夠『關鍵十席』你又有×用咩！」
吹雞帖講到尾又係「3．11」
反對派在立法會討論議事規則期間，日日吹雞叫人去立法會大樓外集會，有參加過嘅人形容佢哋晚晚都係講明年補選，就好似補選造勢會一樣。「DQ四丑」中的小麗老千（劉小麗），前日喺fb吹雞時就話建制派「等 3．11新東補選被香港人唾棄」喎。
「獨派」分子「Lai Chun Rex」質疑道：「而（??）家咩時勢呀......可唔可以唔好開口埋口都講補選呀！」前「青年新政」成員、九龍城區議員（黃埔西）鄺葆賢也留言狠批：「本來諗住還返上年mro（醫生注冊條例）拉布嘅情。但呢幾日明明有好多普通人嘅真心就俾啲選選選選選嘅人虛耗晒，真係好×嬲。」
被指為「青政雙邪」中Cheap禎（游蕙禎）「Plan B」嘅袁健恩，就引述民主黨議員黃碧雲稱，下一場戰事將在明年3月立法會補選的言論，佢地（哋）嘅諗法係已輸，不如借勢黎（嚟）要多個議席好過。」
「Lai Chun Rex」回應稱：「唔係打定輸數，而係眼中只有（議席），咁先嬲。......個×個都淨係掛住補選，咁嘅質素，俾（畀）夠『關鍵十席』你又有×用咩！」「Iris Wan」則揶揄道：「關鍵在佢地（哋）自己有糧出囉，嘔心到！」
其實，公民黨黨魁楊岳橋喺議事規則修改通過後，講嘢都係將個焦點放喺補選度，話會在議會內拖到明年3月11日立法會補選，請選民「把民主派戰友送回立法會」云云。
網民「Hei Hei Sin」就用返楊岳橋此前自己講過反對派為阻撓議事規則修改抱有「必死決心」嚟寸佢：「嘩，原來係為左（咗）拖到3月11（日），咁之前就唔好講到咁大，老實講，d（啲）人對你期望咁大，你地（哋）次次都輸，企係（喺）到嗌口號，又話必死既（嘅）覺悟，又話要有所犧牲，原來全部得個講字？」
「KinWai Tam」也質疑道：「每次講既（嘅）口號好似好勁咁，但最後出黎（嚟）既（嘅）結果就令人只有失望......難道補選完就有希望？」「李茵」就揶揄道：「時常掛在口邊『議會失效』、『必死的覺悟』、『要有犧牲』，但依然戀棧權位，確認了你從政做偽員就是為了每屆港幣一千六百萬的薪津。」
「楊岳橋咪再呃市民」
「Yeung Ching Lung」也道：「點樣拖呢你？點樣選到36席呢你哋？叫口號叫大聲啲？舉牌舉高啲？防狼器大聲啲？鎖鏈（鎖）緊啲？......喺熟食中心跳多幾次舞放上facebook賣萌？唔該唔好再呃市民啦楊岳橋！」 ■香港文匯報記者 羅旦