第六場「不可說」上次初出直路賽受制只得亞軍未竟全功，復課潘頓贏好泥閘再戰，加程大可收復前失。「首驫」由現馬主自行培育，同父馬如「上簽」及「翩翩」早熟大多一出即有好表現，外地做足工夫先來港有力搶胡。
第七場「加州福星」周歲價二百七十萬港元，在外地已屬現馬主名下，在澳洲三戰獲一冠兩季，前仗在谷草千二米輕勝而回，上次大熱倒灶保留評價，重返闊場更利發揮，三班過客可施回馬槍。「裕豐泰」於澳洲出賽十二次取三冠三位，曾勝千一米，來港兩度上陣俱有獎金，今次對手不強可問鼎。
第八場「以奇用兵」兩戰兩勝未逢敵手，初出千二米外檔輕勝，上次升班加程贏得更易，近千三磅馬越戰越勇，可期三連霸。「健康歡笑」近仗二班賽明顯實力不如對手，重返三班變得鬆動，近四戰三班賽全取得獎金，估計今次可打翻身戰。
第九場「太聰明」出道早期口勁甚重，一再出閘搶前而一啖氣走晒，上次斂口跑千六米話變就變，沿途居後直路首次交出強烈衝刺，本身是長途底子，現納入正軌可睇好。「勁揪」今季來港操練接近三個月，上仗初出千六米跟三段開氣，今戰加程二百米更合腳法，重磅也要提防。
第十場「五十五十」上賽千六米蹄下敗將「時時精綵」，現已被視為打吡熱門分子，今次回師千四既有佳績支持，田泰安亦駕輕就熟。「爭分奪秒」出道全入三甲，上季四捷後以逸待勞，早前千二復出半力言旋，今換了另一批對手但尚有多少在手是未知數，有力加入戰團。
第十一場「同樂日」初出千二米已殺聲震天，可惜曾被他駒擠阻繼而脫口，重拾步韻後再追姍姍來遲，開氣後加程二百有利追趕，雷神唔放手可跟多次。「佳騰駒」與廄侶「明月千里」及「鷹雄」一樣同屬昆士蘭打吡冠軍，傳聞身價高達八位數字港元，而後兩駒在港順利一出即勝，估計此駒質高亦有此能耐。