今季新開倉嘅羅富全成績甚佳，目前贏得三十場頭馬，居於練馬師龍虎榜首位，羅富全表示，要多謝各員工嘅辛勞工作，希望廄內馬匹繼續會有好表現。
「辣得很」喺今季轉投羅富全馬房後，上賽贏得季內首場頭馬，今戰上二班再出賽，羅富全表示：「隻馬嘅質素唔差，健康並無問題，所以接手訓練後好快便可以出賽，而且狀態一操即起，陣上更是越戰越勇，今仗在二班參戰，雖然對手實力比之前增強，但牠曾在二班上過名，所以是有一爭實力，勝後狀態仍保持甚佳，期望憑輕磅之利，乘勝追擊可以再下一城。」
來港前在紐西蘭有好戰績嘅自購馬「太聰明」，今季開始在港出賽，雖然至今上陣六次均三甲不入，但越跑越銳，剛戰在田草千六米跑得接近的第四名，今仗增程在千八米再戰，羅富全期望馬兒續有進步，他說：「隻馬在今季上陣多仗不斷進步，其實剛戰是有爭勝機會，可惜一度嚴重受困而影響演出，有接近嘅表現，對佢嘅成績已感到滿意，今戰路程加長在千八米角逐，更適合此匹長途馬發揮，如陣上無受擠阻，交出水準，成績會比上仗更佳。」