【資料速遞】快樂火龍故劍重逢

2017-12-29

沈拿剛於上次日賽以「包勝」同「加州再豫」起孖，而且又係靠大告所屬前駒開齋，唔單止咁，仲可以憑告東尼嘅「加州再豫」錦上添花，真係名副其實與告氏有緣。畢竟大告兵源有限，未必會有太多支持俾沈拿，但既然咁合拍，會有筍盤當然留番俾佢，好似今次賽事，大告安排上季佢贏過嘅「快樂火龍」出戰四班千二米，呢匹馬今季亦由巫顯東贏過，呢次故劍重逢，相信都唔會錯過任何黃金機會。告東尼喺元旦日亦對沈拿同樣有支持，出爭五班千四米「仗義執言」，久未出頭之馬相信都係想憑新鮮配搭謀求突破，既然與告氏有緣，話唔定沈拿喺新的一年，會同告氏昆仲攜手再次擦出火花，攞番個頭威都唔定。