【資料速遞】五十五十銳不可當

2017-12-29

元旦賽事下周一舉行，重頭戲華商會挑戰盃，最矚目就係「五十五十」夥拍最佳拍檔田泰安，首度向一批精英級數馬匹挑機。今屆華商會挑戰盃，都可以講係近年最強陣容，正選馬之中有五匹係G1盟主，「美麗大師」、「喜年獎星」、「詠彩繽紛」、「幸福指數」剛剛跑完香港國際賽，加埋近賽回勇嘅「大印銀紙」配上布達德，單係呢幾匹已經有排鬥。如今加入「五十五十」向級際領域進軍，仲有新勝「川河尊駒」同「爭分奪秒」都係未摸底嘅惡馬，前駒首度報爭級際賽腹背受敵，且看灰獸喺呢場困獸鬥中，能否證明王者級數，成功突圍而出。