■鄭泳舜對馮檢基黯然退場感可惜。 fb圖片反對派為咗篩選立法會九龍西補選嘅候選人，不惜推倒自己所謂嘅「初選」機制，迫走「Plan B」民協老馮（馮檢基），手段之殘忍真係連建制派嘅競爭對手都睇唔過眼。已報名參加九西補選嘅民建聯鄭泳舜（Vincent），噚日就喺facebook以「公道自在人心」為題出文，幫老馮講返句說話，「與他在議會共事八年，雖道不同但不失為一位值得尊重的對手。但今日見他要黯然退場，十分可惜！」並加上「踢波最高招」、「搬龍門」的hashtag（標籤）揶揄迫走老馮的反對派「大佬霸權」。
不少Vincent的支持者亦同情老馮，「Wong Si Si」就批評︰「連自己人也容不下，重（仲）學乜人搞民主。」「Walter Cheng」亦暗踩有份迫走老馮的姚松炎道︰「我要真普選，一人一票選議員，不要篩選後的空降參選人！」 ■香港文匯報記者 甘瑜