■新鴻基地產代理租務部總經理鍾秀蓮聯同江嘉敏、許廷鏗、單文柔、金善美、胡淑筠及楊小龍等出席東港城活動。香港文匯報訊（記者 植毅儀）「宅男女神」江嘉敏（Kaman）、許廷鏗、單文柔昨出席「東港城ART DE FLEUR韓式唧花藝術展」，同場還有新鴻基地產代理租務部總經理鍾秀蓮，韓國首席唧花藝術大師金善美、香港大師級唧花藝術家Lyon胡淑筠、香港蘭花大王千葉園始創人楊小龍等。對於主動撩男演員兼暗交人夫王浩信，江嘉敏表示沒看報道，但強調私下沒找王浩信。
江嘉敏、許廷鏗和單文柔出席東港城活動，各人跟大師學習韓式唧花Cupcake秘技。江嘉敏接受訪問時被問到可曾試過整蛋糕給男友？她說：「冇男友，你們（記者）有冇好介紹？（早前喺英國拍劇時主動撩男演員兼暗交人夫王浩信？），我冇睇報道，套劇要打，唔郁手郁腳可以做啲乜？（有傳喺戲外？）係？可能我比較活潑，比較粗魯同男仔頭，可能大家見到嘅就係粗魯嘅郁手郁腳，比較麻甩少少。（大家都當你係女仔？）呢個問題問得好好，我諗我形象似女仔，但性格就比較男仔頭，爽朗些。」
有「零食供應商」稱號
問到會否避忌？Kaman表示自己已經盡量收斂，不好太粗魯。對於指她經常買咖啡給王浩信，更人前扮唔熟，但人後就經常傳短訊，Kaman表示自己是不喝咖啡的，既然不喝咖啡那為何要買咖啡給人喝？她續說：「喺片場，自己有個稱號就係零食供應商。同埋監製先讚，工作時唔用電話，佢有時send message畀我但自己睇唔到，收咗工先覆佢，拍緊劇的時候費事分心同影響情緒，工作時候都好少用電話。」
談到跟人夫傳緋聞可會不開心？Kaman指自己跟女藝員都比較熟，亦沒有不開心，但私下沒找王浩信，她說：「大家拍劇都有個群組，合照會send番落去，但比較少私訊。冇乜特別感覺，因為真係冇。」
