■鄭保瑞香港文匯報訊（記者 梁靜儀）導演鄭保瑞昨日到電台接受訪問並為新片《西遊記女兒國》宣傳，說到有份演出該片的羅仲謙、梁詠琪(GiGi) 、林志玲等化了特技化妝後，差點令人認不出來。鄭保瑞稱都是角色上需要，他說： 「唔可以為了認得個樣而失去原著，大家畀錢睇戲都係想睇到製作，所以一定要有返個製作在，好似謙仔的特技化妝係幾難，全身都係假，連肌肉都係假，雖然佢自己好大隻，(豈不是浪費了謙仔的肌肉？ ) 謙仔話下一集可以唔着衫演出。」
至於再次扮演孫悟空的郭富城(城城），他指今集城城的角色會更猴子： 「城城今次再放些，喜劇感覺重好多，會係一個開心孫悟空。(因為已經結咗婚？）佢拍嗰時未結婚，但感覺有點唔同，但佢都拍得辛苦，就算情緒有波動，城城都會撳住情緒，自己望住佢都想快啲拍完，因為三個月裡面每日要化四個鐘妝，再拍攝八個鐘，落妝又成個鐘，返去瞓三、四個鐘又要開工，都幾折磨的一件事。」
城城喜劇感覺重
除了城城和謙仔，梁詠琪亦要犧牲色相，鄭導演笑謂自己是聽GiGi的歌長大，覺得對方今次的角色很有新鮮感，為了令觀眾信服，所以要將她的外形轉變到令她自己都信服，就想到將她的髮線提高少少，有點似能劇的感覺，令她再架勢一點，所以要犧牲少少GiGi的靚樣，但個造型可幫到她入戲。問到GiGi初時可有反感？他說：「沒有，出奇地冇，第一次試咗八個鐘頭妝。」講到犧牲大，他認為林志玲飾演的「河神」角色的犧牲就更大，對方樣靚身材又好，戲中會見到一個男性化的志玲。問到他為何將所有演員的優點收起？他說：「我好驚觀眾淨係睇他們好靚，我覺得志玲GiGi唔至淨係得外形好靚，志玲一句對白都冇，但演得好好。」問到志玲的緋聞男友言承旭可有來探班？他笑說：「唔係好覺，唔知係咪收埋了，冇冇冇，真係冇。」