■梁朝偉向譚玉瑛分享拍攝趣事。香港文匯報訊（記者 梁靜儀）梁朝偉(偉仔)昨日到灣仔出席電影《捉妖記2》「胡巴巨型氣球起步禮 」，甚少現身公開場合的偉仔，不單吸引大批市民圍觀拍照，就連擔任活動司儀的譚玉瑛亦要與他在台上自拍，而前來捧場的莊思敏、郭思琳及趙哲妤就只好台下遠距離「合照」。戲中飾演電眼賭徒的偉仔，被譚玉瑛問到他有何發橫財秘笈？偉仔笑說：「我新年都會同普通市民一樣打麻雀同玩啤牌，但不論輪贏我玩幾分鐘就走，呢個就係秘訣。」
在港甚少到鬧市出席宣傳活動的的偉仔，表示已多年沒有出席戶外舉行的宣傳活動，對上一次已是為電影《無間道》作戶外宣傳，問到日後可會多些於香港露面？他笑說：「希望啦，平時冇嘢做都好少出來。」剪了一頭平頭裝的他，表示純粹方便打理，因他鍾意滑水及滑雪，有時中途停下來休息，遇上有人要求影相，也不知影不影好，因為個髮型似剛睡醒般扁塌。偉仔表示剛從北海道滑雪返港，因太太劉嘉玲忙於工作而未有同行，待農曆年後才一起再去滑雪。他又透露今個農曆新年會留港度過，因為過往新年都去了滑雪，但因雪地較跣媽咪去唔到。至於情人節他都應會在港，但應該不會特別準備禮物。問到偉仔可有睇過嘉玲監製的《以青春的名義》？偉仔稱還未有時間去睇：「我有好多戲未睇，因為我同嘉玲要幫奧斯卡頒獎禮做評審，大會寄咗6、70套戲畀我睇，有些戲我又想喺大戲院睇，𠵱家睇了幾套，但我一日最多睇三套。 （嘉玲睇晒啲戲未？）佢肯定未睇，咁忙，(嘉玲指男主角吳肇軒似你？）似我冇用，(覺得似你嗎？ ) 相都冇睇過，只知佢係新人，我主要係睇佢(指嘉玲)拍成點。」 今個農曆年賀歲檔，偉仔與嘉玲的另一齣電影將會打對台，偉仔表示自己已很久沒拍賀歲片，他又稱如果嘉玲邀請他，都會出席該片在情人節舉行的首映禮。
譚玉瑛避談婚姻狀況
另外，譚玉瑛表示對上一次見偉仔已是十年前，而每次見面也是互問近況。至於可會相約當年一班《430穿梭機》的主持飯聚？她就表示相信比較難。談到她近日被指廿年前已跟初戀男友秘婚一事，被問到是否已婚時，有備而來的她說：「睇來第時結婚真係要宣佈，（只欠簽字？ )總之我現在好開心，係咪睇得出呢？（係咪結婚與否都唔會正式講？）冇諗咁多，現在好開心，一切好滿意，係自己揀，冇人逼。（會唔會行多步去簽字？）人的諗法會隨時變，真係唔知。」