周三在快活谷編跑八場草地夜馬賽事，採用Ｂ跑道（向後移欄）作賽，此賽道沒有像Ａ及Ｃ欄般場地偏差咁大，間中見外疊場地狀態較佳，短途以內疊前置馬優勢較大。今季在此跑道成績最好之練馬師是蔡約翰，有六場頭馬，騎師是莫雷拉，有六場頭馬。頭場晚上七時十五分開跑。田泰安與賴維銘停賽，蘇狄雄和黎海榮養傷，柏寶與韋達復出，巴度和羅理雅延遲停賽，羅富全二月十四日生日，史卓豐二月十六日生日。三T與六環彩無累積。
【1】第五班、一八○○米。「盛勢東方」上場谷草起步窒慢加上路程嫌短都跑近，今次匆出加程返回千八米正合發揮，路合態勇可重啟勝利門。「金碧光芒」連續四場取得獎金，慢熱馬狀態在季中已徹底回勇，上場盲門田草都上名，重返贏馬路程已擺明車馬。「糖黐豆」今季九戰有八次取得獎金，低班馬中已算庸中佼佼，歷來五勝此程傲視同群，路程專家今次穩位可望贏。「架勢」與「勁勢」及「山頂」同馬主，為蔡約翰忠心支持者之一，今次落班立即轉來谷草上陣，加程隨時可變身。「富貴榮華」近三場跑入獎金名次，九歲馬寶刀尚未老，踏入季中階段狀態已進入勇境，憑本身較高的班底有權走得接近。
【2】第五班、一二○○米。「勝將臨門」（圖9號）在上手馬房時次次輸遠，今季轉投羅富全馬房第三仗已打開勝門，原班再戰勝途可期梅開二度。「金剛秀」跨季十場取得獎金，季內兩戰五班賽俱跑亞軍，之後上四班都一再接近，今次返五班上陣又可聲大夾惡。「勁駿皇駒」八歲馬雖然不復當年勇，但來到目前評分乃服役新低料已有迴旋餘地，今次輕磅路合有力爭一席冷位。「有情風」九歲馬歷來七捷準繩可靠，今季加盟鄭俊偉馬房後有贏有位，戰鬥力依然高企確實難得，賈其餘勇可爭。「騏名燈」評分跌至歷史低位，加上轉換配備，有提防必要。
【3】第四班、一六五○米。「怡德」三班交鋒把握不及四班，因此經常後上不及，如今重返四班形勢上可反客為主，交出水準餘駒料難以抵擋。「神乎其技」今季轉投麥菲文馬房後越跑越好，近兩次轉來谷草上陣得一亞一季，縮程一哩更利貫注，出頭此其時。「一支梅」近兩場扳上谷中一哩雖然尚未贏馬，但能取得一亞一季成績，今次捲土重來再攻此程，穩位望贏可做到。「幸福一生」在上手容天鵬馬房時一籌莫展，轉投李易達馬房後能養回健康可勤跑勤操，轉來谷草有權當爭勝伏兵。「華美之寶」今季七戰當中六次跑入前四名，跑四班谷中一哩向來穩定，屆時若同場對手失準又有機可乘，宜作配腳。
【4】第四班、一二○○米。「大四喜」三歲「運財童子」同父馬，轉來谷中上陣果然搵到新出路，兩戰俱獲得亞軍，今次強手去後屬出頭良機。「軍勇戰神」今季初出落敗後曾經被安排放草，上次小休復出角逐同程跑第四名，經實戰重新開氣之後可望提升名次。「志友運」上季曾贏「首映」、「海翡翠」等駒，季內四戰雖然未贏，但目前重返四班肯定佔到着數，有力爭三甲。「驍武」最近三次出戰四班賽事獲得兩冠一亞，九歲馬勝在班底夠厚，今次降班對手明顯減弱，隨時可望東山在起。「八心之友」季內獲兩次亞軍及一次季軍尚未贏馬，經兩場泥地賽事後重返谷草上陣，望同場對手失準便有機會代之而起。
【5】第四班、一六五○米。「咪走寶」前仗初跑同程立即開齋，上場再次以佳速放頭再下一城，連贏兩場賽績無花無假，沿留四班可期三連霸。「歡喜心」十二月份初跑此程即監生吞爆冷贏馬，可見目前在四班評分肯定鬆動，經兩場降溫後再來提防又派用場。「家多福」上場同程一條直路由尾追入第四名，踏入季中階段狀態已有復甦跡象，今次捲土重來可予大局更加威脅。「永益善」近四場得亞季殿軍各一，四歲馬終於搵到出路，今次賽前試埋大閘而來，幕後打王牌而戰已將目標鎖定。「開心健康」歷來十四戰谷中同程得兩冠五位，上名率剛好達一半，重返四班亦佔點班利，配腳可加入考慮。
【6】第三班、一○○○米。「電子群英」目前跑馬地百萬挑戰盃排第二位，距離榜首只差三分，今次鬥志肯定十足十，團體馬值得睇高一線。「友情人」愛爾蘭出賽兩次取一冠一季，贏馬路程為千四米，上場出戰直路賽跑第四名，自購馬適應水土可見真章。「運財童子」歷來六戰谷草一千米取一冠三亞一季，落第一次都跑第四名，今次重返食胡程上陣，料又可顯出威力。「上浦猛將」八歲馬轉霍利時馬房後完成減分程序，近仗經已重新上名見復甦勢頭，今次對手不強必好好把握機會。「實力飛駒」歷來的三冠三亞全在同程錄得，而且十一戰同程十次取獎金，賽前試好泥閘再來可拚勝。
【7】第三班、一二○○米。「和諧小子」最近六場取得三冠一亞一第五，當中同程更三度贏馬，季內已有兩場熱身賽，今次路合可問收成。「鞍歌」季內初出沙田熱身後，上場轉來谷草上陣排外檔都走入第三名，證明窄場必合發揮，贏好閘再戰可擔大旗。「喜進」早前打疊同程贏馬後，因此上場升班照樣受追捧，但鞍上人竟然不放而留，賽績保留評價，提防施回馬槍。「大聚會」來港至今未贏馬實在令人有點始料不及，但隨多跑評分越減越低料已有迴旋餘地，三重彩配腳兼顧為宜。「騰龍超影」七戰谷草同程六次入前四，今季四戰全跑沙田擺明志不在此，今次重返福地，料出擊箭頭指向此。
【8】第三班、一六五○米。「文藝學家」七戰谷中一哩兩冠一亞兩季一第五，當中四次Ｂ欄同程全取獎金，近兩戰跑入三甲未贏，今次定再砌。「劍聶風」今季加盟東廄後順利打開勝利之門，更曾一連四場跑入三甲，上場轉跑泥地無功，今次重返勝途可講惡。「心慷慨」今季初出在千二米建功，之後加程發展效果不俗，上場同程跑第四名更被加兩分，試準再來已蠢蠢欲動。「龍船」經過季初一輪減分之後，上場重返三班立即跑第五名重新跑近，今次隔七日匆匆再戰應有把握，配腳最宜。「開心駿馬」歷來十四戰同程錄得半數上名成績，重返三班分區料可由弱變強，憑較高班底可與對手周旋。