香港文匯報訊（記者 梁悅琴）本港土地供應一向不足，樓價飛漲令香港成為全球樓價最難負擔的城市。昨日宣佈退休的長和系主席李嘉誠再被問及樓市錦囊，他表示絕對不敢講樓價是否已見頂，但坦言目前本港樓價已與市民收入脫節，政府應該增加公屋及居屋供應。長和系副主席李澤鉅更用「肚餓食飯論」來呼籲政府於土地供應不應分中短期或中長期，而是有地就應盡快增加供應。
買樓自住唔怕樓價跌
李嘉誠昨出席長和業績記招，他指香港過去兩年樓價升了1倍，樓價已與一般市民的收入脫節，政府應該增加公屋及居屋供應，令普羅大眾住屋不成問題。他又說：「經濟無問題應該買樓......買嚟自住無問題，將來或者有乜嘢意料唔到，令樓價跌落去，但反正自己住，有咩關係？只要計好分期付款Afford（負擔）得到便可。當然可能未來利息會加上去，但係我睇唔出會加到好離譜，加2%至3%已經不得了㗎啦。」他又稱，政府應推多啲土地，「應該多啲快啲。」
長和系副主席李澤鉅指出，土地供應不應分中短期或中長期。他舉例：「我有一日無食Lunch，晚上已經好肚餓，去餐廳食飯，點菜後，個侍應仲要問我上湯定冷盤先，咁梗係有就上啦，好肚餓啦。」他認為，土地供應亦一樣，有地就應該快些推：「你去問住劏房嗰（啲）人，梗係想你快啲（推）。」
料貨櫃碼頭起樓可行
問到於貨櫃碼頭起樓的機會，李澤鉅表示，「我係土木工程師，我可以答......長實20多年前葵涌貨櫃碼頭都有個倉係喺貨櫃碼頭上起，喺度營運，我諗係香港𠵱家其中一個最大，層層樓貨櫃可以上到去頂樓嘅一個倉。嗰個係起咗20年，我諗廿年前識做嘅嘢，𠵱家無理由唔識做。」
他又指，「碼頭我哋只係其中一個Player，（問：但你係最大嗰個）係咪最大、你睇一睇，差唔多啦，但個Point係，如果香港土地供應有需要時，只要唔好影響碼頭運作，我哋都係顧全大局，跟住政府方向，都要Make sure唔好影響碼頭運作，但係我覺得係有方法。」
對於近年本港地產商與內房爭奪本港土地，李嘉誠指，香港地產商有自己競爭力，內地地產公司負債高過香港地產商，用內地方法來香港做生意會有危險。
他又指，長實於去年底以402億元出售中環中心，主要因為集團持有的業權只有75%，據長實的業績報告透露，如條件達成，交易將於今年內完成。以中環中心於年終結算日的賬面值計算，若交易完成，集團可獲利約116億元。