■浸大舉行學生會選舉，候選內閣來自社民連等反對派政黨，被踢爆該莊在投票中只取得9.36%票數落選。浸會大學舉行學生會選舉，唯一的候選內閣「漣翊」就被踢爆多名主要成員均來自社民連等反對派政黨，最終該莊在投票中只取得9.36%票數，少於法定所需票數（10%）而落選。
不過，「漣翊」候選幹事長黃雅文隨即向仲議會投訴稱當日有人阻礙投票，要求仲議會裁決。仲議會昨日駁回黃雅文的投訴，補選選舉結果正式生效。
浸會大學學生會編輯委員會昨日在fb發佈有關消息後，引起咗唔少討論。「Terry Cheung」就質疑仲議會嘅裁決：「代表於票站門外阻擋學生入場投票係無錯？」「Andy Fung」就秒殺道：「老師吹雞叫人投票（指浸大宗教及哲學系高級講師陳士齊（齋Sir）被踢爆濫用學生資料，私下發電郵為『漣翊』拉票）都無問題啦，有咩係有問題？」
無對手僅獲9%票未達門檻
「Terry Cheung 」即戴頭盔：「我又無話幫邊一邊。只係如果立法會投票票站外門口有個人阻住你行入去，你都覺得有關投訴有合理成立的機會吧？」「Jackie Lee」反駁：「重點係佢擋學生入場，足唔足夠推翻成個結果。而家係差七十幾票先夠投票率，佢一個人有冇能力阻到七十幾個人投票？而且評議會之後都有擴大禁止拉票區，學生唔係完全冇機會投票。」
「神駒」反譏長毛應鬧齋Sir
此前一直追擊「漣翊」、令其「幕後玩家」長毛都去佢fb留言挑機嘅「無敵神駒」仇思達也發帖贈慶：「社民連在浸大學生會奪權失敗，深感不忿，連日來找報紙佬『伸冤』，還出動到梁國雄謾罵本人，顯然是牠（他）們意料之外的挫敗。老實說，你們復辟失敗，是民意的彰顯，必須尊重民主選舉的結果，不能『輸打贏要』。」
他續罵道：「你們將落選的結果說成是我的『操控』、『干預』云云，也是於事無補。得你一支莊都選輸，怪得了誰？不敢面對群眾意願、不相信同學的智慧，輸了就找個普通市民批判一番，這樣是什麼樣的『民主』？......如果我呢啲叫做『操控』，咁陳士齊利用同學生溝通嘅上課電郵幫社民連拉票，又算係乜！長毛賊你唔××佢？」
「Mario Wai Wai」就附和：「神駒得一個fb空間叫操控，咁肥佬黎（壹傳媒創辦人黎智英）用紙媒叫咩？」「陳麒麟」就將矛頭指向長毛：「如果因為你（仇思達）令個莊落敗，長毛應該叫個莊檢討下點解人講一講就輸。」「Milk Tea」更道：「肉酸到爆。社民連××地都叫做一個政黨啦，連少少事都呼天搶地，旨意佢哋搞民主就正宗含得×橡皮糖啦！」 ■香港文匯報記者 陳川