■何君堯fb發帖，斥趙恩來聲稱「硬食」罰款的說法是誇張失實。 fb截圖抽水呢回事唔係人人都啱嘅。工黨社區幹事趙恩來此前喺fb發帖，話接到食環署嘅信，內容係移除咗新界西立法會議員何君堯違規懸掛在路邊宣傳橫額，仲要佢繳付有關嘅罰款。趙恩來一方面就質疑食環署做嘢求其，一方面就話「何君堯違法、工黨埋單」咁喎。何君堯昨日就出帖反駁，話食環署嗰次清拆嘅橫額，有3張係屬於趙恩來嗰噃，就算食環署寄錯信，都冇理由誇張到話係佢要對方「硬食」罰款，咁樣嘅理解係失實嘅。
趙恩來此前發帖，話收到何君堯違規懸掛路邊宣傳橫額，已被食環署人員移除，「收到食環署寄錯信件已經夠奇！未幾，工黨趙恩來更接獲食環署『罰款帳（賬）單』要求繳付相關橫額清拆費用總額510.4元，簡直荒天下之大謬！」
他續稱，「何君堯違法，點解要工黨趙恩來埋單？如果唔交『罰款』，是否需要上庭抗辯？食環（署）做事，求求其其！」帖子仲標註咗「黑人問號」、「食環署」、「何君堯違法」、「工黨埋單」、「甚（什）麼道理」呢幾句。
何君堯昨日就用「有人擺烏龍有人抽水」為題發帖，指在他了解後，在是次清拆行動中其中有3張是屬於趙恩來本人，而署方錯把發給他的兩張繳費通知單寄給了對方，「實際而言絕無趙先生口中所說的『幫我埋單』的任何意圖。而對於趙先生在收到信件後理解成他需要為我『硬食』罰款一事，這個理解和說法是誇張失實的。」
網民：都唔知有冇用腦諗過先
網民「樓得話」就留言質疑：「照25來（趙恩來）咁講即係堯哥能控制食環署啦，咁為何唔控制到底連告票都唔出？」「Li Sa」就揶揄道：「抽水都要睇下人哋信唔信啦！甘（咁）D（嘅）野（嘢）佢都講得出來，都唔知有冇用腦唸（諗）過先！」■香港文匯報記者 陳川