■蟲炎被踢爆為保後庭曾反對房署提出的保育方案。 fb截圖「自決派」嘅蟲炎（姚松炎）忽發奇想要喺太古城起屋，但就力保自己「後庭」，即佢住緊嘅置富花園，話要將置富花園旁邊土地申請成為生態古蹟公園，而唔准用作搬遷華富邨安置居民之用。此前發帖質疑蟲炎嘅民主黨南區區議員柴文瀚近日就發帖，話房屋署其實曾提出保育方案，但就受到蟲炎等人嘅追擊，估計下月城規會審議時又會戰火連天。
蟲炎早排話要喺太古城建屋就鬼咁口響，但一講到要喺呇簅�嘅置富附近起屋安置受華富邨重建影響居民，佢就即刻動員反對。由佢支持嘅「置富花園居民協會」及「南區綠化地改劃關注組」，向城規會提出申請，將置富山谷一幅約3.4公頃的住宅用地改劃為生態古蹟公園。 不過，城規會最終不同意相關建議。
柴文瀚當時就發帖揶揄蟲炎：「平行時空下，姚松炎反對置富旁興建公屋，接收華富重建戶，計劃因此略被拖延，但同時又主動出擊，提出太古城旁可以起基層房屋。查實，置富同新華富距離，比較太古城住宅同鰂魚涌公園距離，相差好似唔太大？」
蟲炎曾反房署保育方案
佢近日轉發咗城規會否決生態古蹟公園的報道，指房署在2016年，曾為免華富重建被拖延，主動將被否決改劃位置單位大減至1,300個，但蟲炎等人不但未有支持，反而進一步追擊，「即使今天華富重建已放棄該處，退至華富迴旋處附近，反對持續，預計下月城規會審議時，又再戰火連天。」
柴文瀚話，佢自己在署方前年提案時，則預計可參考馬坑公園模式，以步行徑連接沿途古廟等成功例子，行山者受惠之餘，更令華富及置富居民獲得「真正的後花園」。
佢仲不點名質疑蟲炎的想法係天馬行空：「在行政程序上，若沒有政府部門執行，除非獲得龐大資金作私人公園共享，否則根本無法落實計劃，相信這也是現時不少市民，只見討論雀躍，但未有深思如何成功落實的問題；而香港未實現普選，即使民選從政者也常見多談少做，甚至少做少錯，誤解持續令人憂慮。」
鴿粉嘲姚地位超然區隔基層
民主黨副主席、同係南區區議員嘅羅健熙都like咗篇帖文。「Donald Chow」就留言道：「其實講到尾置富班中產階層市民根本唔希望與華富邨嗰一群基層市民為鄰， 所以就有人編出種種藉口來否決這個計劃！」柴文瀚回應道：「若落實當年房署計劃，相信上述『近置富道』位置，也多為出售公營房屋，剛好融合兩個階層。」
「Dennis Yao」就批評：「置富D（啲）人一向都是覺得自己係高高在上㗎啦！」柴文瀚不忘潤蟲炎一嘢：「的確好唔想呢種風氣持續，更唔希望泛民內有人口中說不，內心相同。」
借保育阻建屋 「說好與民共議」？
「Tommy Hui」就狠批蟲炎：「得罪講句，講就講話保育，但你班人住咗咁多年，早唔搞遲唔搞，直到政府想起樓先做呢啲動作。真係司馬昭之心，路人皆知。」「Dennis Yao」就道：「其實都預左（咗）建制派會死chur㗎啦，不過係冇諗過連曾經係自己界別出身既（嘅）都會反對啫！」公民黨沙田區議員容溟舟就趁機揶揄：「問下姚松炎，說好的與民共議呢？」 ■香港文匯報記者 陳川