■王永平噚日就寫專欄話，許智峯應「主動及自願辭職」，「以示對事件負責」。 王永平fb截圖鴿黨許智峯強搶手機，自己一身蟻仲令到成個反對派陣營水深火熱。經常幫反對派講話嘅公務員事務局前局長王永平噚日就寫專欄話，許智峯應「主動及自願辭職」，「以示對事件負責」，並「避免拖累其他泛民黨派」，其實都係想為咗保住反對派整體啫。呢條咁嘅屎橋，唔好話公眾唔信，部分激進反對派支持者亦都對「辭職」二字極度反感，仲喺王永平個facebook留言鬧佢「short（傻）咗」。
王永平噚日喺專欄寫文，話就算建制派嘅譴責動議唔通過，許智峯搶手機嘅行為都可能觸犯盜竊、傷人、不誠實使用電腦等罪行，如果結果要坐監，都係會成為解除佢職務嘅理據。
反正「已完」好過等被踢
他認為，既然許智峯已經係「活死人」狀態，不如主動辭職，既可以做樣畀人睇佢「負責」，民主黨又唔使踢走佢，仲可以「了結」政治危機，唔使累街坊等，之後仲可以去針對返政府人員行為啱唔啱𠻹。
咁策略性、咁有考慮嘅「引咎辭職」，其實都難以令到普羅大眾信服㗎啦。獻計不成，王永平仲俾成班激進派留言狂插。
「Mou Tai Cheung」話：「以前，有人常言道：老而不死是為賊也，在這刻，我信了！」「Julia Wong」就稱：「又是一個冇『吉士』的假道學。」「Clara Leung」仲話佢「弱智」𠻹。
完全盲撐許智峯強搶行為嘅網民就話許智峯咁做係「被迫」，反對派唔應該再「迫害」佢咁話。「Andy Lee」批評王永平話︰「當人地（哋）打爛仔交時，你堅持做道德×！」「Bun Lam」反問︰「先繳械再戰鬥，這是什麼邏輯？」
偏離激進主旋律被狠批，王永平過幾個鐘後補鑊再出文，話自己「惹來惡評，是意料中事」，再改口話同其他建制派人士相比，無論佢哋辭職辭幾多次都「輪不到一時衝動的許智峯」喎，仲強調自己冇放棄立場。呵呵。 ■香港文匯報記者 甘瑜