■香港文匯報曾報道蟲炎啲宣傳海報有幾簡陋。反對派最叻就係扮慘，有咩事就賴窮，講緊嘅係3月立法會九龍西補選中落敗收場嘅姚松炎。佢曾話過自己係「無錢」、「資源不足」，令傳統嘅宣傳方式不足，「限米煮限飯」導致落敗，更聲言下次要籌更多錢。但根據他最近申報的選舉開支，姚松炎共獲得約121萬元捐助，喺選舉中使咗差唔多143萬元，其中12萬元豪使喺「打造個人形象」，包括用3,000蚊「整理髮型」，難怪一眾網民都睇到哇哇聲，鬧佢不脫堅離地本色，輕重不分，為了靚靚就揮霍支持者嘅捐款，而唔係用喺有意義嘅事上。
在選舉期間，姚松炎嘅選舉宣傳海報成為網民熱話--唔係話佢靚，係話佢不知所謂：海報冇相嘅又有、冇名嘅又有、冇相冇名都有，「尋仇」風格海報又有、反轉重用海報都有，令人以為佢應該慳返好多啦！但事實唔係咁噃。
3000蚊整個頭 網民：冇咩分別
根據《選舉開支最高限額（立法會選舉）規例》，2018年立法會補選九龍西地方選區每名候選人的選舉開支最高限額約182萬元。姚松炎向選舉事務處交嘅選舉開支申報顯示，佢嘅總開支就達到143萬元，其中六成，高達81.8萬元用喺選舉廣告開支，近10萬元就用作推廣社交媒體帖文。
原來，佢仲使咗12萬元用嚟做「個人形象設計」，包括搵專業攝影師影相盛惠8,800蚊、化妝盛惠3,000蚊，仲用咗3,000蚊「整理髮型」，睇嚟反對派話囮庤H離地都幾中肯。
另外，由於姚松炎部分宣傳品未在限期前拆除，遭食環署罰款2,174元。
自由黨深水埗區議員李梓敬噚日都忍唔住出帖，笑言大家要避開有關的髮型師及化妝師，「用咗$3000整頭，同埋$3000化妝......大整蠱咩？」
「Yiu Cho Chan」就批評：「姚松炎嘥$8000影相，又用$3000整頭，再用$3000化妝！最離譜佢啲橫額係用手寫，整完個頭同個樣又冇咩唔同喎。黃絲捐完啲錢，唔係推動所謂嘅民主，而係浪費咗搞形象工程，係咪嘥先？」
「左手交右手 袋完可再籌」
網民大多都睇唔過眼姚松炎「大使」，「Gennie Lane 」話：「咁就知......佢唔係做實事嘅人。」「Ka Wai Chan 」表示：「普通市民50蚊剪髮後，形象都好過佢好多啦，如果有心幫市民既（嘅），剩番（返）個（嗰）2,950元幫到好多該選區食唔飽着唔暖既（嘅）人囉！」
「Alice Sung」就嘆：「 （姚松炎）剪髮咁貴，窮苦人家的半月開支。」「Ronald Tam 」話：「呢啲就真係大白象工程喇！」「Terence Tin 」則揶揄姚松炎經常將「眾籌」掛喺口邊：「唔怕，唔夠可以再眾籌。」
「Cosmo Chiu」恥笑：「佢比（俾）人呃左（咗）咁多錢，仲話專業人士？咁既（嘅）×頭都值$3000？日式快剪都好過佢啦！」「Angel Leung」就陰謀論地質疑稱：「左手形象公司交右手髮型化妝公司，袋袋平安！」 ■香港文匯報記者 范童