■將結婚的阿嬌聽到歌迷們的祝福十分感觸。香港文匯報訊 《Twins Lol live around the world 世界巡迴演唱會》於美加西岸時間5月17日及19日於溫哥華和洛杉磯完美完成。巡演超過三年，轉眼間這次是她們的第21和22場演唱會。碰巧演出期間，兩人又一齊共度了Twins成軍17年，不少歌迷特地由香港飛往美加看演唱會與他們一同慶祝，令蔡卓妍（阿Sa）和鍾欣潼（阿嬌）又開心又感觸。
第一次到溫哥華巡唱，阿Sa敵不過時差，覺得十分之累，馬不停蹄唱完又下一站，她無奈苦笑，阿Sa說：「最後一站多倫多，又同溫哥華差三個鐘，我決定唔再調時差啦！眼瞓就瞓，唔想瞓就醒住，餓就食啦！真係冇辦法，調到一陣返到香港又要調返，好痛苦。阿嬌就好啦，佢一向喺美國時間活着，哈哈，所以時差影響唔到佢啦。不過就差點食錯安眠藥，哈哈哈。」阿嬌就話：「時差真係對我冇咩影響，我剛剛係想食敏感藥，不過差點拿錯了安眠藥。食了就唔使唱啦，哈哈。」
歌迷對阿嬌送上祝福
兩場演出，歌迷似乎對阿嬌快要出嫁依依不捨，有歌迷不停送上祝福，有歌迷又大叫Twins不如移民到溫哥華、洛杉機住，更說他們答應來住的話，送車送樓給他們，令孖妹笑個不停。而歌迷對阿嬌出嫁祝福，阿嬌在台上就有少少怕羞，沒有大回應。
沒有時差生活的阿嬌，到美加後非常enjoy，坦言曾想過退休後移民。阿嬌說：「真係有諗過，已經問過很多意見，樓呀，生活係點呀咁......」阿Sa就叫阿嬌揀溫哥華，因為她自己有很多親朋，及同學在溫哥華，如阿嬌移民當地，就方便她日後可以探望，不過阿嬌就話未諗定主意。據傳明日唱完第23場多倫多之後，LOL這個騷就圓滿終結，阿嬌會飛去LA籌備婚禮，阿Sa也會一同飛去參加party。但歌迷對這個騷還是依依不捨，不停要求她們返回香港或澳門再演出最後終極一場，是否成事仍是未知數。