■陳敏之及森美均鼓勵子女支持海洋保育。香港文匯報訊（記者 梁靜儀）陳敏之及森美昨日出席海洋公園保育基金《無飲管運動》啟動禮，大談如何鼓勵子女支持環保齊撐海洋保育，現場又播出敏之拍攝的宣傳短片。
敏之坦言之前因開工時要化妝一直有用膠飲管，但自從了解到一支細的膠飲管要用幾百年才能分解，所以盡量少用，同時又戒用膠袋，加上做了媽媽，都會教兒子要珍惜愛護地球。
談到她的曲奇餅店，敏之表示已經有八間分店，問到是否賺很多？她否認道：「努力中，未係好大收成期，因為舖租貴，每間都係博，如果合約期內成績唔理想會執咗去，都係賺辛苦錢。」她又透露廣州分店快將開幕，對於內地分店的招聘廣告用「香港專才移民」做賣點，敏之解釋：「香港部分係由我管理，內地就由拍檔去做，不過唔係唔關我事，我都有了解返，其實只係想請一個店長，個店長有機會嚟香港或飛去其他地方管理舖頭，因為我唔太清楚，亦唔想大家有太多誤解，唔想畀太多意見，日後對呢方面會睇緊啲。而招聘已完結，大家唔使太worry。」
森美湊女似追女仔
對於有網民認為店長人工只得8千元偏低，敏之說：「我都了解過，喺內地嚟講係合理，香港店長當然唔止，我哋係小本經營，呢個係起薪點，希望大家畀啲時間之後做好啲，同希望網民包容。」
另外，森美日前出席活動時表示與兒子幾個月沒聯絡，他大嘆現在跟小朋友相處，就像追女仔一樣，所以他會跟11歲的女兒傾偈，間中又會買小禮物，前晚臨睡前更咀他。他笑指因兒子去了外國讀書後就不理他，決定不讓女兒去外國升學。