■Kelly透露忙於排練，老公便要多陪囝囝。囝囝愛偷拍 憂家居照廣傳
香港文匯報訊（記者 李思穎）「潮媽」陳慧琳（Kelly）將於本月25日假旺角麥花臣場館舉行「MOOV LIVE陳慧琳Music Stage」音樂會，Kelly大爆大仔「蝦餃仔」劉昇經常偷拍其練舞及家居照，Kelly警告囝囝不要胡亂把媽咪這一面放上網，搞笑的Kelly更自言要教識囝囝把媽咪的臉打格仔遮樣，以防萬一。
陳慧琳透露音樂會上會獻唱首張數碼EP新歌和部分舊歌，為了配合歌曲意境更將換上三套衫，她表示：「其中一首《打字機》是復古歌，服裝上沒理由太現代化。」問到現正開始放暑假的囝囝會否來捧場，Kelly扁着嘴說：「佢哋來我就慘，已經好忙，睇下點先，佢哋未知我開騷，都會問一下，兩個仔放暑假喺屋企，經常敲門找我，打斷我練歌。完成音樂會後，便會一家出國旅行，暫定去美國或英國。」
Kelly說到9歲的劉昇很喜歡偷拍媽咪在家練舞和睇電視，她笑說：「我叫佢千萬不要放上網，否則便殺咗吽A因我在家着住歌衫跳舞，人家看了以為我精神分裂，現在佢哋的手機沒有網絡上網，遲些便控制不到，到時可能要在家中戴太陽眼鏡和化妝set頭，所以第一件事要教佢打格仔，在媽咪臉上打格仔。（會否打錯在下身位置？）咁仲衰過打喺臉，哈哈。」
揭大仔暗戀失敗
快踏入青春期的劉昇，已跟Kelly談到男女關係：「佢會講喜歡的女仔，覺得好女仔難搵，又話女仔易搵男朋友，男仔難搵女朋友，佢每年都有一個心儀對象，幾靚㗎，但人家不睬佢，所以學期尾就拜拜。」
Kelly忙於排練，老公便要多陪囝囝，不過老公都有出外一兩次和朋友飲酒睇世界盃，Kelly指老公只是淺嚐杯中物，純粹出去感受下熱鬧氣氛，因老公最心儀是籃球和網球，問她有否陪老公一齊睇波？Kelly直率說：「我睇個仔踢波仲好。」而兩個囝囝最愛是打乒乓波，Kelly笑言：「我們一家都是斯文派，較有藝術feel。」