■《奪命証人》小慶功，大家開工前開個Party開心放鬆一下。香港文匯報訊（記者 張美婷）由劉嘉玲、秦沛（Paul哥）及謝君豪等主演的舞台劇《奪命証人》於上周六演出第12場，劇中一班演員及台前幕後工作人員，就在開場前搞了一個小慶功，老闆楊受成更買了蛋糕，讓大家開工前開個小Party開心放鬆一下，為未來16至20號的5場舞台劇演出打打氣。嘉玲坦言即使演到第12場仍然心情緊張，不會放鬆，「我唔會放過自己，唔會話愈演愈熟愈鬆，一鬆我就會出錯㗎啦！」
在舞台劇演出期間，不少圈中藝人都有來捧場支持，當中包括有楊千嬅、黃秋生、葉德嫻、佘詩曼、古巨基、容祖兒、周慧敏、王祖藍、李亞男等。來到第12場這個小慶祝，劉嘉玲坦言沒想到時間過得這樣快，想到還有5場就完結，開始有點依依不捨，「真係過得好快，我都冇數日子，咁就12場，仲有5次機會上台演呢個戲，我其實到今日都仲係緊張，仲係冇放鬆，我係咁㗎，我唔會放過自己，唔會話愈演愈熟愈鬆，一鬆我就會出錯㗎啦，所以我條橡筋已經拉到行一行，到最後20號嗰場完咗，我先會真正放低囉。」
冀夥秋生演舞台劇
能演《奪命証人》，嘉玲坦言真的十分開心，每日她一早醒來就去跑山做運動，然後就返回演藝學院的大家庭之中，跟大家共度，「我跑山自己一個人靜靜，仲會喺個腦重複又重複背台詞，不知幾好。有運動個人仲精神集中力更高。」今次一人飾演兩角，秋生來捧場更大讚她氣場無人能敵，更表示一直希望與嘉玲合作演舞台劇，嘉玲就回應指：「多謝秋生欣賞呀，我都好想同佢合作一齊做舞台劇，講咗幾次㗎啦，睇下大家未來係咪真係夾到個時間，佢都係大忙人。」
今次舞台上，嘉玲一人分飾兩角，壓力不小，為了讓觀眾分清不同角色，嘉玲無論外在內在都要即時轉變，外在換衫上，她就要在舞台後面即場換衫，為此美術指導張叔平特別為嘉玲特製了一件打底內衣，免她不用後台全裸換衫擔心走光危險，嘉玲就表示最初頭幾日真係好趕，不過經過連日來訓練之後，已經變了相當熟手，「現在我已經快到仲可以有時間飲杯水先出台呀！」
而Paul哥12場下來已瘦了至少5磅，他說開演以來都是一日只吃兩餐，一餐早餐，一餐就是演出前的午加晚餐，由於他一向不吃消夜，所以就順便減磅。在體力上，Paul哥直言暫時仍可以，做這個劇最窩心是一班台前幕後小朋友都對他老人家非常照顧，尤其一同演出的陳健豪，對他最為關照，「我老人家啦，對眼唔好，舞台一熄燈，我就真係咩都睇唔到，眼睛冇後生仔反應咁快，次次都係陳健豪拖實我，扶我行返後台。呢個仔又肯聽人教，一點就明，愈演愈好，我覺得佢可以去做電影啦。」
謝君豪派粉絲福利
君豪每晚都是最遲走的一位藝人，因每晚他都有一大班影迷於演藝門口等他簽名影合照，儼如開小型影迷聚會，君豪說：「真心多謝佢哋支持，因為好多唔同影迷喺世界各地飛返來睇我，有啲美加返來，有啲內地來，香港就唔使講𠻹啦，平日我又唔係成日會有時間同佢哋聚，所以我咪盡量同佢哋見下面影下相咁。」