■陳凱琳與鄭嘉穎昨日在峇里共訂愛盟。峇里完婚 一對新人幸福落淚
香港文匯報訊（記者 植毅儀）48歲的鄭嘉穎和27歲的陳凱琳（Grace）拍拖3年，終於修成正果，昨日在峇里的BVLGARI Resort Bali酒店舉行浪漫婚禮，在約一百位好友見證下，見證二人走進人生的新一頁。巧合地，8月15日是鄭嘉穎的生日，相信這是他收到最好的49歲生日禮物，嘉穎在婚禮上更早過Grace「決堤」，他接受電話訪問時亦表示整個過程感動至眼濕濕，在Grace要求下，他更唱出自己的歌曲《一千個願意》，嘉穎笑言：「冇辦法啦，為咗娶老婆，乜都要做啦！」
近日娛樂圈鬧得熱烘烘的莫過於陳凱琳與鄭嘉穎宣佈結婚，二人的婚禮選址於融合峇里島民俗風格和意式設計美學的BVLGARI度假酒店舉行，俯瞰印度洋的美麗海景，猶如世外桃源。
昨日早上，嘉穎進行接新娘儀式，為娶得美人歸，他有求必應，在Grace要求下，他更唱出自己的歌曲《一千個願意》，又抱起Grace由走廊行入大廳，足足200 呎路程，向雙方家長進行斟茶儀式。
鄭嘉穎喊得快過陳凱琳
嘉穎接受電話訪問，他笑言：「冇辦法啦，為咗娶老婆，乜都要做啦，今次算好簡單，Grace嘅好姊妹好易話為，只係抱咗呇P埋唱咗首歌啫！」嘉穎講到婚禮感受時坦承十分感動：「我見Grace行入教堂我已經忍唔住，都流咗兩滴眼淚，亦都好感觸，大家講咗好多真心話。其實我覺得我哋嘅婚禮比起其他婚禮好唔同，除咗有一段好offical嘅誓詞之外，自己都講咗一段對對方心目中嘅感覺，呢段係我哋兩個都好感動。多謝大家嘅祝福，多謝晒！因為我哋想一切從簡而隆重嘅婚禮，所以之前就唔通知大家，亦都唔想大家辛苦。」
嘉穎又感激各位親友遠道而來參加他們的婚禮：「我要好多謝每一位參加我們婚禮的朋友，其實四、五個月前通知他們，佢哋因為工作的關係都要度期，亦好多謝他們百忙中抽空來見證我們婚禮。」 Grace婚禮後也接受電話訪問並說：「首先真係要多謝今次出席我們婚禮的朋友，因為我們都籌備咗幾個月，朋友都同我們保守呢個秘密，我呢樣嘢真係好感激他們，同時間個個特登請假，好多遠道而來我們婚禮，加拿大又有，歐洲又有，香港又有，新加坡都有，我見到大家咁用心，咁有誠意嚟到我哋婚禮，我們真係好感恩，好感恩。」
着起婚紗個肚囉囉攣
她還自爆行禮前十分緊張，搞到肚囉囉攣，她說：「今（昨）日我們行禮前，我叫嘉穎快啲去咗教堂先，因為我唔想畀佢見到我着呢條婚紗，從來都未見過。當我自己着起呢條婚紗，突然之間個肚好似囉囉攣咁，好似好緊張，心跳又加速，我係去到教堂前，我聽到音樂起，深呼吸，同我爹哋一齊蹺住佢隻手，同佢一齊行入嚟，跟住嗰一刻，我見到全部人企起身去歡迎我哋，戥我們好開心個感覺，我們原來鋪排呢件事成事啦！跟住我行到最尾時，我已忍住想喊，但我望住嘉穎，佢已流咗一滴眼激，我估唔到佢竟然比我早喊，自己忍唔住都想喊，所以在祈禱時已要攞紙巾去抹眼淚，其實呢個感覺有少少現實，真係來到呢一刻時，好開心有一個咁好的老公，咁錫我的老公啦。我亦好期待我們將來的幸福快樂，雖然我覺得婚姻其實有好多階段要經歷，但呢一刻我已覺得最開心。」而花球則由Grace的圈外朋友接到。
至於馬國明、唐詩詠、黃嘉樂、林子善、黎耀祥、黃智賢、曹永廉及唐文龍等好友，一早亦已搭早機飛往峇里。由於婚禮於下午舉行，故一眾嘉賓跟兄弟姊妹團一早就先輕鬆吓，例如Grace好姊妹陳嘉寶和賴慰玲就把握機會在美景下影靚相。