■梁芷珊較早前與國際米蘭副主席辛尼迪（右）合影。 資料圖片香港文匯報訊（記者 潘志南）足總董事梁芷珊前日在社交網站貼文，指將辭去董事職務。
「『香港男子足球代表隊主教練』，我都係第一次知道。」她在貼文中歡迎加利韋特正式上任，同時重申並不是針對韋特個人，而是對整個招聘程序有意見：「我係對整個招聘程序有意見，有人問：『係遺漏咗咩程序？』唔係，唔係遺漏，而係錯，我覺得。」
「假設『全球招聘』呢個動作應該有十個程序，咁我可以講，今次聘請Head Coach既（嘅）程序，由一至十都係錯。」
「我考慮清楚，我搞好同足總同事交接之後，就會向足總辭職，以私人或私人公司身份，搞運動員第二職業生涯規劃（我要諗過個好啲既（嘅）名，至憎啲名咁長），其實呢件事我想咗十年，本來諗住完成董事任期後，即係明年五月底先搞，而（𠵱）家仲好，早咗幾個月搞，太開心。」梁芷珊還稱：「我覺得，今次招聘總教練既（嘅）整個過程都好錯，如果今次咁隻手遮天既（嘅）行為都過到關，咁即係請TD（技術總監）同CEO都可以咁樣行。我已經盡咗力提醒董事局咁樣好有問題，但大部份（分）董事會成員認為無問題，下次舉手投票我又再輸7：1，咁sorry嘞，你哋繼續，我退出。」