香港文匯報訊 內地劇《延禧攻略》在港熱播，劇中「富察皇后」秦嵐到港任活動嘉賓， 秦嵐是次順道見見「五阿哥」古巨基，二人敘舊一番，仲齊齊開Live見粉絲。
37歲的秦嵐曾經在2003年於劇集《還珠格格3天上人間》同古巨基合作。基仔昨晚仲特登搵埋同樣係女神級的好友周慧敏一齊開Live，向秦嵐送上驚喜。原來秦嵐一直都係周慧敏嘅fans，而Vivian亦表示專誠嚟一睹「皇后」嘅風采：「我身邊好多朋友都有睇你部戲，好鍾意你，所以我代表佢哋將香港嘅愛送畀你。」秦嵐見到偶像表現非常興奮。去到Live尾聲，基仔仲叫秦嵐唱首周慧敏的歌，秦嵐怕怕醜醜咁喺偶像面前清唱《自作多情》其中一句「不要自作多情去做夢」，秦嵐唱廣東歌清楚又好聽，搞到周慧敏直呼感動，二人仲嚟個深情擁抱！