■小膠樽（邵家臻）發帖，話經常會想起「假如小麗在議會，多好」。 網上截圖反對派為咗捧小麗，講肉麻說話嘅真係點只吳靄儀一個咁簡單？立法會社福界議員小膠樽（邵家臻）就發帖，話經常會想起「假如小麗在議會，多好」喎。不過，只要睇返小麗喺2016年當選立法會議員後短短幾個月成日投錯票、問錯問題，再睇見「小麗多好」呢句說話，真係諗起都硬--拳頭硬！
小膠樽竟讚「捍衛基層」
小膠樽喺帖文中話，之前喺立法會嘅時候，「小麗坐在我的右後方。她總是以『溫柔而堅定』的語氣，時而『back up補位』，時而『後排攻擊』，『頂住惡法』，『捍衛基層市民的尊嚴』，『守護香港』。」
他繼續話：「現在每次碰到墟市、街市、綜援、劏房、外判清潔工、長者及殘疾院舍等議題的時候，又會想着『假如小麗在議會』，多好！」
咦，小膠樽你係咪剛喺平行宇宙返嚟呀？其實唔使「假如」噃，大家回一回帶，睇吓小麗仲喺議會時做錯過幾多嘢：
2016年11月8日，即係小麗「上任」不足一個月，姚松炎喺立法會動議就橫洲發展項目成立小組委員會跟進，小麗當時寧願接受電台訪問而缺席投票，令議案被否決。
過咗兩日，立法會就民主黨議員林卓廷提出引用特權法調查廉署人事變動的動議進行表決。劉小麗當時按了「出席」按鈕卻趕不及投「贊成」票，令地區直選票數因差一票而未能過半數。
再過1天，劉小麗喺保安事務委員會討論免遣返酷刑聲請時，稱自己關注政府文件中提到研究建立禁閉營是否違反人權。時任保安局局長的黎棟國即時反駁：「首先我就睇唔到喺我哋嘅文件裡面呢，有你提到嗰句。」事實上，設立禁閉營只是議員曾經提出的建議。
同一個月嘅21號，政制事務委員會開會，討論《本地報刊註冊條例》的收費調整，劉小麗此時突然問及有特首選委候選人被裁定提名無效的事。時任政制及內地事務局副局長的陳岳鵬就回應，選委提名問題為下一個議程的內容。劉小麗此時方如夢初醒。
又係同一個月嘅23號，民建聯議員劉國勳和公民黨議員陳淑莊競逐監察西九文化區計劃推行情況聯合小組委員會的正、副主席。劉小麗遲到，其後就扱錯印，須另取新選票蓋印更正其投票意向。
網民「Eddie Chan」就留言揶揄：「劉小麗在議會有幾好？1. 佢會投錯票；2. 佢會唔識點投票；3. 佢識去開會，但唔知開會主題係咩；4. 佢會捐一半人工畀佢相熟既（嘅）朋友。」「『小麗在議會』，多好！」■香港文匯報記者 陳川