祈普敦季初一直替蔡約翰馬房默默耕耘，好多時只係策騎一些實力次級馬上陣，連季內開齋馬都係贏隻以往騎開嘅「電子大師」，不過蔡約翰亦識做，本來由田泰安贏開嘅「旺蝦王」，剛周日跑精英碗國際二級賽，馬房放田泰安去騎羅富全嘅「紅衣醒神」，「旺蝦王」則用上祈普敦，結果這場二級賽，祈普敦做了一件很容易嘅事，就係將「旺蝦王」一放而回。由於莫雷拉將會成為蔡約翰嘅主帥，未來日子，即係講蔡約翰會減少交馬俾祈普敦，當然贏得嘅馬會更少，據知，莫雷拉好大機會喺一月一日後正式成為蔡廄主帥，現時剩下兩個多月時間，就係祈普敦盡量喺蔡替繸o支持嘅時候。今次夜賽，蔡廄雖然出馬唔多，但依然有匹實力馬「精算八方」俾祈普敦角逐第八場三班千二米，呢個路程「精算八方」去季贏過兩次，均由莫雷拉取勝，其實隻馬上季總共贏過三場，兩場谷草千二米外，仲有一場係谷草一千米，由李寶利取勝，呢隻馬性馴易騎，只要谷起狀態，早段放出守好位便能建功。記得上季尾最後一仗贏谷草千二米，莫雷拉起步即沿欄領放，結果一放到底贏第二名嘅「上海大師」兩個身位，大家都知「上海大師」谷草千二米嘅威力，今季已喺三班再添頭馬，反觀「精算八方」季初跑場谷草千二米只係跟馬群過終點，明顯狀態未足，不過埋門由祈普敦彈課千二米泥閘，走位2 2 4，早段彈出即按實回來，證狀態回復爭勝水準，祈普敦今戰大可食住上。