■大凱欣偶遇小凱欣，真係有緣。 fb圖片到底要幾有緣先可以撞到同自己同名同姓嘅人？話說立法會九龍西補選候選人、食物及衛生局前政治助理陳凱欣噚日去公園散步時，見到有個小妹妹低頭專心寫字，寫住「陳凱欣」，發覺呢位小妹妹同佢同名，仲話同名同姓其實都係一種緣分，都咪話唔世界真細小呀。
陳凱欣噚日喺facebook發帖，分享自己朝早去公園晨運時，見到一位小妹妹低頭專心寫字，諗住八卦心態去睇一睇，先發覺原來佢正寫緊「陳凱欣」，而小妹妹仲怕醜咁話佢都叫做陳凱欣。
陳凱欣就話「同姓三分親，同名同姓感覺更特別」，笑言街站日日都有奇遇，期待未來會遇到更多有緣人，又祝福小凱欣努力，長大後成為一個有承擔、有理想嘅社會棟樑。兩個人咁有緣，唔知未來「大小凱欣」又有無機會一齊合作呢？■香港文匯報記者 何西