香港文匯報訊 陳凱琳(Grace)前晚出席商場聖誕活動，現場她還跟聖誕老人學講「Ho Ho Ho 」。對於老公鄭嘉穎指她是屋企管家，Grace表示老公成日話自己是管家婆，嘉穎開了個家用戶口，由自己負責交屋企雜費，Grace指嘉穎有這個責任都幾開心，戶口的錢是有用先用，不會用來亂買東西。記者問Grace有沒有開個消費戶口？Grace說：「自己有做嘢，用返自己錢買嘢，投資我唔識，投資就交番畀佢自己處理。（你的錢係你的，嘉穎的錢都係你的錢？）好似唔係幾好，唔可以咁。（你好富有？）心中富有，唔貪心，老公已經對我好好。」
提到聖誕節，她計劃學做火雞，打算由煮春雞開始試，預計試四次一定成功，Grace說：「以前每年聖誕都係媽咪做火雞，今次想親自落手下廚。（以前有冇幫過手？）幫手試食算唔算？因為火雞真係要花好多心機，煮到嫩滑要有啲技巧。」她又指與嘉穎一向有共識聖誕不會特別互相送禮物，直言兩人初拍拖時仍會送禮物，但一年後已覺得專登買禮物好浪費，大家共識以後任何節日也不會送禮，好早已甚有老夫老妻感覺。