■胡兵及姚子羚出席手錶活動。 中通社香港文匯報訊 胡兵同姚子羚前日出席腕錶品牌新店開幕活動，胡兵更以全球品牌大使身份出席。胡兵表示自小已經好鍾意手錶，已經儲近200隻。
下月聖誕節是胡媽媽的生日，胡兵自爆上年好古惑只係送錢：「我每封10,000元，用咗好多個好靚嘅利是封，媽咪捧住好似捧住金元寶咁，好開心，所以今年一定要花啲心機再諗下。」
姚子羚都好鍾意手錶，不過子羚坦言未有能力買貴錶：「剛出來工作時，爸爸送咗隻5位數的錶畀我，自己現在有少少能力，都想買返隻錶送畀爸爸。」姚子羚仲大讚手錶好有升值能力，希望有日可以買貴錶，留返畀將來自己的小朋友。