「請問大人，響公堂之上估吓嘢，咁根據大清律例應該判咩嘢罪名呢？」「無罪。」《審死官》呢句對白相信大家都聽過，但「估吓嘢」還「估吓嘢」，做戲還做戲，公開而且不負責任咁亂噏，故意想誤導大眾，就似乎唔係咁好囉。話說有網民就公開揶揄網媒《852郵報》創辦人兼總編輯、原名袁耀清嘅游清源經常亂噏，係新聞工「作者」喎。
話說呢一年嚟，游清源不斷「分析」呢樣嗰樣，而且事後都證明係錯嘅。fb專頁「芒向報」就製圖列舉咗游清源嘅一堆亂噏（見圖），仲揶揄：「『著名』新聞工作者『游清源』先生，絕對可以成為新一代『燈神』。」不但用標註鬧佢「垃圾郵報老吹頻度（道）」、「瘋言瘋語」，仲溫提佢「夠鐘食藥」。
網民「Mansam Sam」就深有同感，形容游清源係「新聞工『作者』」。「Johnson Ho」也道：「黃屍網台KOL成日×UP（噏），從來都唔會認衰，講完就算，咁不負責任，竟然仲有傻仔繼續信佢哋。」「芒向報」抵唔住頸回應：「最傻係有人捐錢俾（畀）佢哋，不如買六合彩好過！」 ■香港文匯報記者 陳川