香港文匯報訊 近日忙於拍攝劇集《法證先鋒IV》的無綫花旦朱晨麗，前晚百忙中抽空飛到新加坡出席「星和璀璨星光夜」頒獎禮，同場不乏內地、台灣及韓國藝人，繼有李準基、王冠逸、秦嵐、劉以豪等，場面熱鬧。
朱晨麗除了任頒獎嘉賓，還憑《特技人》MAY豬一角獲得「星和TVB最喜愛角色」，並於前輩許紹雄手中接過獎項。她並笑指對方頒獎之餘亦不忘整蠱她：「好好笑，一直話睇唔到得獎者字幕，搞到好耐先宣佈我上台，上到去又同我傾咗一輪，之後佢落台我先可以講致謝詞，點之佢又想上嚟同我傾偈，好多謝佢將個氣氛搞到咁輕鬆，令我冇咁緊張，同埋本身都欣賞佢，好幸運之前同佢拍完《多功能老婆》就有獎。」而同場的馬德鐘亦獲頒「TVB年度最強人氣藝人獎」。
而於頒獎台上，朱晨麗與「皇后」秦嵐並肩而立，其間也有趁機閒聊，她說：「佢有講返拍《延禧攻略》只係用咗一個月時間就完成，因為趕住有其他嘢做，真係好勁。雖然我未全套劇睇晒，但見完佢之後就好想返去煲埋套劇，皇后真係好斯文，講嘢細細聲咁，好開心有機會見到佢。」