今次呂健威馬房各匹參戰馬機會唔曳，普遍都站在勝利邊沿，如有好運氣，大有機會連場進入凱旋門，替練者增添頭馬進帳。
季內至今在快活谷三班千二米出賽兩次，上賽贏得今季首場頭馬的「百勝龍」，今仗上二班在田草千二米再出賽，呂健威期望馬兒續有好表現，他表示：「此匹自購馬質素唔差，可惜因健康問題而影響進度，出賽次數不多，今季於季中始安排出賽，因為在上季尾腳部受傷，並提早抖暑，康復後操練需要特別小心，循序漸進操磨，避免再觸及傷患，上仗勝出已證明健康無礙，今戰上二班是可以應付，上季曾在二班上過名，希望今戰憑着輕磅之利，繼續有好表現，可以再下一城。」
至於隻「輝煌星」今仗出戰田草千二米，呂健威說：「馬兒在今季出賽次數唔多，至今只上陣兩次，因為季初肺部有問題，需要休息一段長時間，上仗表現一般，因為陣上受到碰撞，影響演出，而且全程走外疊蝕位太多，較早前在泥地試閘走勢唔差，目前健康納入正軌，如陣上沒有擠阻，有好形勢配合，能夠發揮出水準，力足重振聲威。」