■賭反對派齊人開會，即係倒錢落海。 fb截圖民主黨立法會議員涂謹申決定《2019年逃犯及刑事事宜相互法律協助法例（修訂）條例草案》委員會第二次會議將於本月30日舉行，有反對派議員就質疑他何以不選在復活節期間舉行，以「突襲建制派」。涂謹申的助理李偉峰就揶揄，如果在復活節舉行，分分鐘又有反對派議員「關鍵缺席」，開會人數肯定會少過建制派議員。
呢個法案委員會原本預計會喺復活節假期後先「開波」，最終提早開場，係因為4月12日舉行嘅立法會內務委員會，通過將草案交付法案委員會。根據議事規則，當時舉手表示參與委員會的議員中，資歷最深者可以決定首次會議日期。本來，涂謹申及梁耀忠在議會內的資歷最深，但涂謹申缺席，梁耀忠冇舉手，結果就由在場最資深嘅經民聯議員石禮謙決定會議日期。
涂謹申事後因此而被唔少支持者鬧爆。唔知係咪因為要「將功補過」，佢喺法案委員會首次會議就積極配合其他反對派議員瘋狂拉布，結果喺班反對派支持者眼中成為「英雄」。
可能因為咁，似乎有其他反對派中人唔多順佢攞晒彩。前日，喺畟唹茖M定4月30日舉行第二次會議後，有人就質疑涂謹申點解唔索性喺復活節假期開，博建制派少人出席可以玩突擊。
呻反對派多「關鍵旅行」
民主黨油尖旺社區主任李偉峰近日就喺fb發帖話：「有網民質疑熊貓（涂謹申）決定唔在復活節假期突襲！阿哥，白蟻俊（謝偉俊）都取消北上內訪旅行，點突襲？」佢仲揶揄其他經常缺席會議嘅反對派議員：「（到時）有幾多個『關鍵旅行』會假期失蹤？」
「Ivan C. Y. Lo」就喺囥咫U留言道：「復活節泛民失縱（蹤）多過建制派，賭幾多？」李偉峰就話：「必贏邊個同你賭？」
李偉峰咁寸都唔係冇道理嘅，反對派議員經常喺立法會討論「重要議案」時就經常「關鍵缺席」，例如舊年5月，工務小組委員會討論元朗興建天橋的17億元撥款，就有5名反對派議員缺席，同一個月，內務委員會傾林卓廷提出嘅「就升降機維修保養對市民安全的影響進行辯論」議案，亦因為7個反對派議員缺席，令議案再次「反勝為敗」，等等。
不過，最經典當然係「正宗關鍵一票」、公民黨黨魁戇橋（楊岳橋）啦！今年1月，戇橋喺立法會大會提出「檢討單程證政策」議案，但喺討論到呢個議案時竟然no show，令主席只得取消其動議及宣佈休會。 ■香港文匯報記者 陳川