■邵家臻喺fb上載一張佢嘅「單眼相」博同情。fb截圖反對派叫人衝自己鬆，「佔中九男女」喺煽人「佔中」時就話「無畏無懼」、要承擔法律責任，但到法院裁定他們煽惑他人犯公眾妨擾罪、煽惑他人煽惑公眾妨擾罪罪成時，就即刻用諸多藉口嚟求情。「九男女」之一、曾經喺「佔中」前自號「佔中十死士」之一嘅小膠樽（邵家臻），喺罪成等候判刑期間就不斷賣小強，一時話自己有糖尿病，一時就喺立法會大會上扮可憐講所謂「告別宣言」，無非都係想個官判刑時輕手啲啫！唔少網民就狠批，出得嚟行，就預咗要還，小膠樽之前口響響，現在就縮滔，實不知所謂至極。■香港文匯報記者 陳川
「佔中」有所謂「十死士」，包括時為社工的小膠樽、作家陳慧、「主場新聞」創辦人蔡東豪、傳媒人徐少驊、對沖基金經理錢志健、律師鄧偉棕、醫生吳錦祥、中華基督教會香港區會資深牧師郭乃弘、中學通識科教師張銳輝、中學數學科教師潘瑩明，其中大部分均聲言在「佔中」後會主動自首，在法庭上不作抗辯。
「死士」臨「死」玩怕「死」
不過，當「雙學三丑」喺2017年因衝擊政府總部東翼前地被判罪成，有人就質疑所謂「佔中十死士」去咗邊。有網上嘅KOL（意見領袖）就在fb發帖，問點解啲報紙唔問吓�哋近況喎。有人質疑佢哋「違反《商品說明條例》」，叫「死士」唔去死，當初話「佔中」後會自首現在又冇件事，現在就唔知死咗去邊。
好嘞，法院喺本月開始審理「佔中九男女」煽惑他人犯公眾妨擾罪、煽惑他人煽惑公眾妨擾罪等，小膠樽已經不斷賣小強、博同情。佢喺自己fb發帖，上載一張佢嘅「單眼相」，話自己「糖尿失控」和膽固醇超標，要做手術，擺到明係想個官見佢「有病」，喺裁決時放佢一馬啦！
不過，好彩審理「九男女」案嘅法官冇俾佢呃到，結果都係判佢煽惑他人犯公眾妨擾罪、煽惑他人煽惑公眾妨擾罪成立，並於下周三判刑。一計不成，小膠樽就喺立法會日前審議《撥款條例草案》時，乘機發表所謂「告別感言」，哽咽地話呢一日可能係佢議會生涯最後一次發言：「停留是剎那，轉身是天涯。本人就此作別。」
博同情博到出面囉！唔少網民狠批佢矯情博同情，完全推翻咗呇蛜晼u佔中十死士」時聲稱會「慷慨就義」嘅承諾，誠信有虧囉！「Bede Kwong」就話：「佢之前話無畏無懼法治刑法判刑，但輸比（畀）糖尿喎！」「Eddie Li」直言：「糖尿病唔應該係輕判考慮吖！懲教署有糖尿餐供應，兼且有駐院所醫生及24小時合資格護士當值架（㗎）！疊埋心水，好似飯民政棍話齋，好好享受吓獄中精彩人生啦！」
網民批有膽搞事無膽找數
「Anthony Wong」亦道：「呢班政棍搞事嗰陣就扮哂（晒）豪氣蓋世、又話預咗坐監、到咗見到有機會俾人判刑嘅時候就扮哂（晒）可憐、又大拋動聽的花言巧語來博同情、真係厚顏無恥、令人嘔心！」「Alvin Tam」亦話：「講到懶感性，轉頭咪又去上訴。到底都係想逃避罪責。」
「Fong Yuen」批評小膠樽：「你睇夠膽做又無膽承担（擔）法律責任，咁嘅垃圾議員你覺得靠得住嗎？以後還有人信你嗎？你競選時對選民承諾要為市民服務，承担（擔）議員嘅責任，但現在卻要為罪責而逃避，垃圾議員當之無愧。」