香港文匯報訊 許志安與黃心穎被爆背着另一半「偷食」，二人形象插水，2016年落選港男梁裕恆近日因發文力撐黃心穎，而同遭網民指摘，有網民質疑他「博上位」。
梁裕恆發文為黃心穎發聲，指女方曾向他傾談感情問題，並配上二人的合照，梁裕恆表示：「突然醒起一些事情，不吐不快。醒起有一日佢（黃心穎）好唔開心咁同我講，因為同男朋友好少機會見面，感情出咗問題，又話愛上咗另一個男人係有婦之夫，好內疚。那個是天后的老公，但那個男人說佢哋嘅婚姻一早出咗問題，個男人同佢講會離婚，她才願意跟他一起。個男人唔係有錢？又唔係好樣？佢又唔係賣身，只是一個追求愛情嘅女仔。個男人冇嘢畀到佢，就只是愛錯一個人，係有錯，但罪不至死！」
此番留言即引起網民熱話，有網民認為梁裕恆「博上位」，他之後強調自己只是憑良心說話，「我只是將我知道的事實講出嚟，讓大家可以喺多一個角度去睇呢件事，我沒說當事人冇錯，當事人係有錯，但不是片中所睇到的勾引或主動，明顯二人關係並非那天開始，可惜大家不是去思考或尋求事實的真相，而選擇站在道德高地去踩死一個人很容易」。
他又說，「我認為今日嘅香港非常恐怖，說出來不是什麼博上位，我預了是一致的負評，只是將自己良心說話講出嚟，希望大家可以公道一點去睇呢件事，而對此事，我不會再作什麼回應，知道的我已說完。」
不過，有網民始終認為女方不可對有婦之夫有感情，道德上是不容許的，當時梁也理應糾正黃心穎。