■霆鋒將長壽麵當做剪綵道具，邀請眾嘉賓齊齊「剪綵」。香港文匯報訊 由謝霆鋒創立兼主理的飲食品牌「鋒味」前日正式登陸台灣，霆鋒並特別為品牌新品於台北舉行發佈會。發佈會上，霆鋒即席露兩手，拉出17呎的「長壽麵」。
霆鋒以一身牛仔恤衫造型現身，他表示今次帶了鋒味拌麵、港式奶茶、港式鴛鴦與限定版曲奇到台灣，「我希望能夠令各地嘅朋友都可以食到最地道嘅港式風味，之後我哋仲會出糉同埋月餅，希望大家拭目以待。」
霆鋒先跟粉絲大玩盲測「奶茶」遊戲，測試粉絲能不能飲出港式奶茶跟台式奶茶的分別，他還親自服侍粉絲，幫粉絲斟茶。
之後大會再請兩位粉絲上台，跟霆鋒合力製作「長壽麵」。霆鋒一邊「拉麵」一邊同大家分享入廚對他的意義和改變，他透露小時候跟父母好少交流，七八年前開始做《鋒味》才與父母拉近距離、修補關係，「有時我會問佢哋呢個好唔好食？使唔使加啲調味？我爸爸會問我：『你點可以每餐都煮唔同嘅嘢？』而且我用嘅食材都係天然，打開雪櫃有乜就煮乜，屋企人嘅評價都OK。」至於女友王菲有否試過他的手勢？霆鋒笑着說：「當然有，我所有嘅朋友都食過我煮嘅嘢。」問女方有什麼評價？霆鋒就話：「呢啲唔講啦。」
其間，麵條愈拉愈長，麵條無法完全展開，霆鋒不停話：「有冇朋友可以嚟幫吓我？」十分搞笑。最後霆鋒拉出17呎長的「長壽麵」，他還將「長壽麵」當做剪綵道具，邀請一眾嘉賓齊齊上台「剪綵」，十分有創意。